政Whats噏:唔通驚走光?植潔鈴包到冚報區會補選

政Whats噏:唔通驚走光?植潔鈴包到冚報區會補選 2018年04月26日 10:15Tweet 東網電視更多新聞短片 民建聯「小花」植潔鈴今早報名參選。(郭詠欣攝) 東區區議會佳曉選區嘅區議員席位目前懸空,需補選以填補早前病逝的林翠蓮之席位。前立法會議員鍾樹根助理、民建聯「小花」植潔鈴(Elaine)今早(26日)報名參選。現場所見Elaine包到實嚟報名,唔通驚走光?Elaine掛「雙牌頭」參選,所以民建聯及工聯會今早總動員現身撐場,幾乎大部分東區區議會建制派區議員都有出席。睇真啲,所有印有Elaine頭像嘅展示版同橫額都包晒膠,十分密實,仲反晒光添!事後問番,原來係Elaine團隊事前睇天氣預報,驚今日會落雨,所以將啲宣傳品包到實,費事淋濕晒整爛,果然夠晒慳家。目前已報名參選嘅亦有早前退出新民黨、報稱獨立的陳真真。問到有無擔心選情受影響,Elaine就話不評論其他人,對自己選情有信心。Elaine今次收到99個提名,包括本身住喺小西灣邨嘅佢喎。另外,民主派社福界選委李鳳琼今早由東區區議員徐子見及黎志強陪同下報名參選,李指會盡力做好工作,並會簽署確認書。李鳳琼下晝喺小西灣邨搞造勢大會,有多名東區區議會泛民議員出席,同時港島立法會議員區諾軒及社福界議員邵家臻亦有現身撐場。李鳳琼話,自己住喺呢區30年,希望街坊畀機會佢服務市民。佢又透露,已獲確認候選人資格。

分享更多閱讀請至以下|關鍵字排名|蜂王乳|台灣綠蜂膠|網站排名|南極冰洋磷蝦油|SEO|蜂王漿|葉黃素|健康食品|GOOGLE排名|磷蝦油|PPLS|婦貴寶|超視王|神經滋養物質|芙婷寶|智勝王|保健食品

發表迴響

你的電子郵件位址並不會被公開。 必要欄位標記為 *