政Whats噏:政府大細超?嫻姐謀婦委會擴權

政Whats噏:政府大細超?嫻姐謀婦委會擴權 2018年04月27日 00:15Tweet 東網電視更多新聞短片 陳婉嫻呻婦委會資源少,但由張建宗領導的青委會卻有10億港元支援。(設計圖片) 退下立法會議員火線嘅工聯會榮譽會長陳婉嫻(嫻姐),喺今年初被委任為婦女事務委員會(婦委會)主席。呢幾個月嚟,嫻姐都忙住處理《消除對婦女一切形式歧視公約》,又要落區,又要開諮詢會,但佢愈做愈覺得唔夠權力,仲暗諷由政務司司長張建宗揸莊嘅「青年發展委員會(青委會)都有10億(港元)喇」,密謀婦委會要擴權、要加資源。婦委會早幾日開公眾諮詢會,嫻姐話自從上月底開始做諮詢,不停落區聽意見,又說服地區去推動不同政策。佢又話上屆婦委會已同政府表達職權同資源有不足,咁就由上屆2000萬港元撥款增加至今年嘅3000萬港元,「不過你記住青年發展委員會係10億(港元)」,笑問咁樣叫「增加」?所以嫻姐認為有必要同政府再傾。嫻姐再講,現屆政府吼住54萬潛在婦女勞動力,不過覺得唔係推動做社區保母,「得十幾蚊一個鐘」,最低工資都無,「互助?放第二度喇」,應該由婦委會資助,鼓勵團體做多啲地區照顧老人家等服務,畀正式人工啲婦女工作。咁都不特止,嫻姐仲建議政府要更改賣地條款,所有賣地都要規定有託兒,兼且要檢討《規劃標準與準則》,列明幾多人口需要有託兒。佢直言,按政府現狀想釋放婦女勞動力,必須改變婦委會職能。話時話,青委會工作嘅方向係要討論青年關注嘅政策議題,尤其青年「三業三政」,即學業、事業同置業,並鼓勵佢哋議政、論政同參政,依家青委會只係開咗一次會議,暫時都只係紙上談兵,唔知要討論幾耐先會開展一啲實則計劃,一大舊錢放喺度,唔知幾時先用得到。再講,婦女工作千頭萬緒,資源少又真係巧婦難為無米炊嘅,依家嫻姐暗諷張建宗畀咁多錢青委會,政府有「大細超」之嫌,又話婦委會唔夠權力,睇怕嚟緊張建宗都要度下橋,準備接招嘞!

分享更多閱讀請至以下|PPLS|SEO|蜂王乳|葉黃素|智勝王|台灣綠蜂膠|網站排名|蜂王漿|超視王|健康食品|婦貴寶|保健食品|磷蝦油|關鍵字排名|神經滋養物質|南極冰洋磷蝦油|GOOGLE排名|芙婷寶

發表迴響

你的電子郵件位址並不會被公開。 必要欄位標記為 *