古勝:新能源股 睇好風電

古勝:新能源股 睇好風電 2018年04月27日 00:02Tweet 東網電視更多新聞短片 風電股再度獲資金追捧。(Getty Images圖片) 古勝在東方產經「MARKET INSIGHT」專欄中表示,繼中興通訊(00763)後,輪到華為畀美國司法部開「快勞」調查,港股在期指結算前氣氛進一步轉差,周四曾失守三萬點關。還有兩日先至到「五窮月」,大市個勢似落多過上,股民睇路喇!周三晚美股拗腰,道指終止五連跌,惟中美貿易戰及美國十年期國債孳息率升至3.03厘今浪新高,港股周四高開後早段已掉頭向下,午後三萬點關失守,低見29,871點。大市逾千二隻股份見紅,跌得全面,埋單恒指跌320點報30,007點。港股通拉咗閘,無北水之下港股成交反而增至1,080億元,可見即市沽壓沉重。港股成也騰訊(00700)、敗也騰訊,周四股王低見377.2元,同1月高位比較啱啱跌夠兩成。坊間甚至有評論認為騰訊技術上已步入熊市!無疑掛牌十四年期間,股王升多跌少,高位調整兩成都唔係未試過,喺舊年由頭升到尾前,其實2015年同2016年股價均試過由高位調整26.9%及18.7%。但今時唔同往日,騰訊貴為最大隻的本地上市股份,市值達3.6萬億元,差不多等同兩隻滙豐控股(00005)有凸,港股基金食粥食飯都睇佢。強勢時,Overweight佢持貨高於指數比重,可以輕鬆交到功課,跑贏回報基準。依家恒指先將今年升幅泡湯,而騰訊已率先由升轉跌,累瀉5.8%,基金要繼續交出比指數理想表現,焗住要減佢。股份強勢轉弱勢的微妙變化,在一窩蜂減磅下,可能令騰訊短期出現跌過龍情況,諗住跌兩成去撈?常言道咪空手接跌下來的刀仔,即使唔啱聽,卻無疑係股海要長玩長有,必須緊記的金科玉律。風高浪急,資金流入內地電力及新能源股避險,金風科技(02208)周三公布首季業績,盈利按年增長三成二,刺激股價升6.4%收報13.3元。收市後龍源電力(00916)出季績,盈利19.01億元人仔,按年升67%,首季風機利用率改善,棄風率大降8.8個百分點至7.49%,表現確實好過行業平均數唔少,難怪近排多咗大行唱佢,果然不是無的放矢。龍源周四升2.5%收報6.96元,10倍PE唔夠,只要破到2016年高位7.2元,上面大把世界。若今日開得唔太過分,即使7元高些少都仲追得過。─ ─ ─ ─ ─ ─「東網Money18」全新功能「貼市貼士」,助你掌握投資先機http://bit.ly/2sLtGDm 「致富智庫」領悟理財/職場智慧,一Click改變一世http://money18.on.cc/wealth 「互通餘額」數據,助你掌握北水動向http://money18.on.cc/connect/dqb.html

分享更多閱讀請至以下|關鍵字排名|智勝王|神經滋養物質|磷蝦油|超視王|南極冰洋磷蝦油|芙婷寶|葉黃素|蜂王漿|健康食品|保健食品|網站排名|SEO|蜂王乳|PPLS|台灣綠蜂膠|GOOGLE排名|婦貴寶

發表迴響

你的電子郵件位址並不會被公開。 必要欄位標記為 *