千色Citistore 28周年慶大特賣 必掃筍貨全面睇

千色Citistore 28周年慶大特賣 必掃筍貨全面睇 2018年04月27日 08:30Tweet 東網電視更多新聞短片 千色Citistore 28周年慶大特賣,多款必搶筍貨以優惠價發售。 精打細算的你,又點會錯過千色Citistore 28周年慶大特賣?多款必搶筍貨以優惠價發售,勢必吸引一眾知慳識儉的市民到各店瘋狂掃貨。其中,將軍澳店加推店外廚具特賣場,優質實用廚具包括有美國康寧、staub及孖人牌等,全部都是必買推介。同場還有千色Citistore吉祥物ColorFly Family的鬼馬嘉年華,活動精彩豐富!太多筍貨怕唔識揀?記得睇定東網為大家預備的攻略同精選貨品!千色Citistore由4月26日起至5月6日,於荃灣、元朗、馬鞍山、將軍澳、大角咀及屯門全線6間店舖進行減價,精選超過400件貨品全面激減!仲有每日限定之必買筍貨,選購指定兩件貨品即享額外8折等等。 東網記者昨早到將軍澳店,發現現場擠滿掃貨的市民,部分人更於開門前到達店外排隊,希望能第一時間購得心頭好。其中,明言已「做定功課」的高小姐專攻日用品,大特賣開始不足半小時已滿載而歸,「買咗洗手液、嬰兒用品同埋浴室用品,真係平好多。」另外,李小姐則對以$28發售的28件精選貨品讚不絕口,「相對平時便宜好多,平時要百幾蚊,依家28蚊就買到。」想順利購得心頭好?咁就要睇以下掃貨攻略! 有咩必搶貨品?活動舉行期間,每日均會推出不同的「每日限定必買筍貨」,以超抵價發售,絕對不容錯過。以星期六(28日)為例,精選Oral-B充電電動牙刷,原價$408,減價至$199,勁減一半、泰國瑞茲稻米油(500毫升),原價$25.9一支,平至$39.9兩支、嬰兒家居服飾,原價$49-99一件,兩件任揀只需$46!另外,於星期日(29日)更要留意SINOMAX水晶甜夢枕,原價$949,激減至$199、Glasslock 715及1100毫升長方形玻璃保鮮盒連手挽保溫袋套裝,原價$197,必買價$99及Uji 918針絲般綿床笠、枕袋及被袋套裝,由原價$430-620減至$199-259!不過大家要留意,所有「每日限定必買筍貨」數量有限,售完即止,準備趁假期前往掃貨的朋友,記得要留意心水貨品的開賣日期! 有冇額外活動?為慶祝千色Citistore 28周年慶,將軍澳店加推店外特賣場,名為「廚具添新意巡禮」,誠意推介VISIONS晶鑽雙耳淺鍋連蓋6件套裝,推介價$999、staub 16厘米/1.8公升飯鍋,震撼價$999(仲贈送總值$349之藍色迷你陶瓷心形碗兩個)及美國康寧微晶電陶爐,激減價$899。仲唔趁低入手各款名牌廚具!於今個周末及5月1日,將軍澳店更有千色Citistore吉祥物ColorFly Family搖身一變,成為馬戲雜技員,為你呈獻最得意鬼馬的嘉年華!活動當日會有精彩表演及VR遊戲,更會大派免費小食及精緻禮品。另外,適逢母親節臨近,荃灣、元朗、馬鞍山、將軍澳、大角咀及屯門全線6間店舖均設有「謝謝好媽心意獻禮」展銷場,無論服裝、配飾、化妝品甚至健康食品均應有盡有,最適合揀選一份小禮物,向母親表達謝意與關顧。仲有咩額外著數? 凡於28周年慶大特賣期間購物淨值每滿港幣$500(或以$100即日淨值之單一機印發票累積至$500),即可以$38至$98優惠價換購一系列千色Citistore吉祥物ColorFly Family四位成員之限定禮品一件,款款配上鬼馬精靈的圖案設計及功能,讓你大開眼界!數量有限,換購完畢即止。詳情請參閱千色Citistore店內宣傳海報。

分享更多閱讀請至以下|神經滋養物質|磷蝦油|葉黃素|智勝王|健康食品|蜂王漿|網站排名|南極冰洋磷蝦油|關鍵字排名|GOOGLE排名|芙婷寶|PPLS|超視王|台灣綠蜂膠|婦貴寶|蜂王乳|SEO|保健食品

發表迴響

你的電子郵件位址並不會被公開。 必要欄位標記為 *