古勝:內需板塊慎防揀錯股

古勝:內需板塊慎防揀錯股 2018年04月26日 00:02Tweet 東網電視更多新聞短片 中國力谷內需,相關股份榮辱互見。(中新社圖片) 古勝在東方產經「MARKET INSIGHT」專欄中表示,《狼來了》故事講到口乾,十年期美國國債孳息率終於衝上3厘,周二晚華爾街三大指數插水,道指收市跌逾400點,拖累港股彈得一日又再跪低,50天線破唔到,反過來10天及20天線再齊齊失守,走勢肉酸,結算後三萬點都唔好坐定粒六可以頂得住。今年沙特阿拉伯要賣仔,沙特阿美上市前,國際油價好似矮仔上樓梯咁級級升,已直指70美元關。黑色黃金漲價牽動環球通脹預期升溫,加埋美國超額賣債的推波助瀾,令十年期美債孳息四年來首次升穿3厘關口。美鈔成本基本就只有紙張與油墨,從以往歷史,真係印幾多都得。理論上,美國破產風險極低,亦因為咁,持有十年期美債回報,向來被基金視為無風險的基準回報。在孳息率由2016年底位1.33厘,輾轉衝上周三見3厘水平,換句話講,買債坐定定每年有3%回報。在債息向上,金融市場風險配置必然會出現洗牌。其實過去48小時的美股同港股跌市,實在已較古勝估計來得遲。回帶睇番,今年2月美債息曾高見2.94厘,華爾街對「破三」其實早有心理準備,只因中美貿易戰消息拖債息回落咗一陣。其實,息口去向易估,政治因素的風險先難猜。後市最睇唔透係美國針對中興通訊(00763)的制裁後,中方點去回應。近排內地媒體吹到話蘋果公司手機可能在中國禁售,如果玩到咁大,唔炸散後市就有鬼,魚缸客持盈保泰,短期控制一下注碼為宜。中美貿易爭拗持續,一度成為資金避風港的內需股,表現榮辱互見。2、3月見公司密密回購的中國旺旺(00151),終於修成正果,股價連升六日,周三再升4.1%收報7.25元,只要行多步,升穿一月高位7.34元,圓底走勢成形,有機會炒上8至8.5元之間。唔係隻隻內需股都咁好彩,高盛出報告話萬洲國際(00288)首季業績唔對辦,尤其美國業務差過預期,雖然仲係買入評級,目標價降至10.7元。淡友一呼百應下,萬洲周三重挫9.5%收報7.8元。生產紙巾及衞生產品的恒安國際(01044),啱啱以1,166萬歐元(約1.116億港元),入股芬蘭紙漿公司Finnpulp(芬漿)。瑞信出報告唱淡,話睇唔到恒安急切需要投資低增值上游業務,交易亦嫌與與投資者溝通不足,就係因為咁,直接把評級由跑贏大市降至跑輸大市,對藍籌基金股嚟講都算少見,目標價由105元降至63元。周三恒安跌3.1%收報68.5元,股價見七個月新低。其實一單1億多元收購,竟可令市值一日蒸發27億元!再睇近排恒安沽空唔細,成件事更似有心人借機發圍。不過,依家市況風高浪急,股份高估值同時見沽空異動,都係要小心啲。─ ─ ─ ─ ─ ─「東網Money18」全新功能「貼市貼士」,助你掌握投資先機http://bit.ly/2sLtGDm 「致富智庫」領悟理財/職場智慧,一Click改變一世http://money18.on.cc/wealth 「互通餘額」數據,助你掌握北水動向http://money18.on.cc/connect/dqb.html

分享更多閱讀請至以下|蜂王漿|SEO|芙婷寶|南極冰洋磷蝦油|智勝王|GOOGLE排名|關鍵字排名|神經滋養物質|蜂王乳|磷蝦油|保健食品|超視王|台灣綠蜂膠|葉黃素|婦貴寶|網站排名|健康食品|PPLS

發表迴響

你的電子郵件位址並不會被公開。 必要欄位標記為 *