可樂紅iPhone 8開箱 紅黑配襯到絕!

可樂紅iPhone 8開箱 紅黑配襯到絕! 2018年04月12日 11:42Tweet 東網電視更多新聞短片 可樂紅iPhone 8及iPhone 8 Plus搶眼到爆! 近年Apple好難觸摸,早兩個星期才出完學生版iPad,正當果迷焦點重新放到6月WWDC,殊不知廠商卻在這時推出iPhone 8及iPhone 8 Plus (PRODUCT)RED Special Edition紅色特別版,令想升級手機的果迷突然又多個選擇。今次小記就為大家率先開箱,睇吓新機有幾「紅」!先睇Packing,一如iPhone 8其他顏色,紅色特別版沿用白色包裝盒,但就改用紅色機背作封面圖案,連帶側面的iPhone及Apple商標也齊齊換上紅色,加上盒底印有(PRODUCT)RED字樣,相當易認!反而要留意的是,基於今代包裝跟上代iPhone 7(PRODUCT)RED十分相似,買時除要留意型號Label外,今代封面的機背相片特別以深淺兩層紅色來呈現反光感,跟上代全實色的機背相片不同,買時不要弄錯啊!真機又點呢?拎上手兩個字:「靚爆」!上代紅色iPhone 7表面帶霧面質感,紅得來似利是封,未夠搶眼。相反今代用上了玻璃機身,不但更為鮮艷,還多了一份亮面感覺,睇落似可樂紅,配上銀色Apple商標及(PRODUCT)RED圖案,比原來的太空灰、銀或金色iPhone 8要醒目得多!今代另一優點是正面用上了黑色面板,相較於上代的紅白配,紅黑配也更添帥氣,夠膽講是(PRODUCT)RED系列推出以來,襯得最靚嘅一部產品。機身以外,手機也用上紅色鋁金屬邊框,從底部喇叭,到頂端電話的揚聲器,內裹的金屬網也是紅色的。拉開SIM卡槽,顏色也由銀變紅,因此全機可謂從頭紅到尾、由內紅到外。美足不足是配件如Lightning線、火牛、耳機、說明書及商標貼紙全部無改色無改款,若一併染紅就完美。另外一如以往,隨盒附有一張紅色聲明,指Apple每售出一項 (PRODUCT)RED,部分收入會直接撥捐The Global Fund基金的HIV病毒/愛滋病計劃,提醒大家買機之餘做埋善事。新機備有64GB及256GB兩款容量,每人限購2部iPhone 8及2部iPhone 8 Plus,售價則跟原來顏色相同。全部即日接受訂購,最快4月13日起派貨。

分享更多閱讀請至以下|保健食品|台灣綠蜂膠|南極冰洋磷蝦油|關鍵字排名|芙婷寶|PPLS|磷蝦油|GOOGLE排名|健康食品|網站排名|葉黃素|蜂王漿|智勝王|SEO|蜂王乳|婦貴寶|超視王|神經滋養物質

發表迴響

你的電子郵件位址並不會被公開。 必要欄位標記為 *