全方位入門 Canon EOS 3000D

全方位入門 Canon EOS 3000D 2018年04月11日 11:32Tweet 東網電視更多新聞短片 Canon EOS 3000D僅有389g輕巧機身,而且售價四千有找,適合初學攝影和預算不高的準用家。 好多人覺得學攝影門檻好高,事實上今時今日的機種唔單只選擇多,就連單反相機亦只需要幾千蚊就有交易,好似全新Canon EOS 3000D入門級單反,有齊晒初學者需要的簡易功能,仲有埋Wi-Fi畀你即刻Share靚相。單反相機向來予人笨重累贅的感覺,不過3000D的機身尚算的骰輕巧,淨重僅有389g,就算單手拎住影相都冇難度,加上其操控性主要針對新手使用,故此按鍵的鋪排和設計相當簡潔,而模式轉盤同時做埋開關,減少繁複的操作,除了進階模式外,亦支援新手專用的自動模式,以及人像、風景、微距等,務求令新手可以立即上手。至於背面就配備2.7吋23萬像素屏幕,雖然沒有用上反芒設計,但一般Live View取景、睇相都足夠有餘。縱使3000D的定位屬於入門級,不過亦內置APS-C尺寸的1,800萬像素感光元件,以及DIGIC 4+影像處理器,感光度唔單只提供ISO 100~6,400,亦可擴展至H(ISO 12,800),就算室內抑或昏暗環境拍攝都冇問題,而連拍速度亦做到每秒3張,雖然唔算好快,但對於新手來說都勉強夠用,而機身備有9點對焦系統,而中央對焦點為十字形,對焦速度和準繩度亦相當高。不過要特別留意跟機的18~55mm套裝鏡頭,不設IS防震技術,所以影相時建議使用較高速的快門。家陣好多人影相都會後期執相,3000D本身內置了5款創意濾鏡特效,包括粗糙黑白、魚眼、模型效果,就算唔識執相都玩到不同的拍攝效果。為了做到影完相立即Share,今次3000D都植入時下大熱的Wi-Fi功能,能夠配對《Canon Camera Connect》手機App,既可以做到遙控操作,並支援實時預覽功能,等你篤住手機芒就影到相,同時App能夠下載相機內的相片及影片,畀你第一時間分享到Facebook、IG、YouTube等社交平台。同場加映 Canon EOS 1500D:同期亦有比3000D規格略高的EOS 1500D,最大分別是1500D擁有2,410萬像素,而且用上3吋92萬點屏幕,並同時支援NFC功能,加上機身操作上較複雜,同樣適合攝影初哥使用。規格表感光元件:1,800萬像素CMOS轉換系數:1.6倍屏幕:2.7吋23萬像素快門:1/4,000~30秒感光度:ISO 100~12,800體積:129×101.6×77.1mm重量:389g

分享更多閱讀請至以下|智勝王|網站排名|台灣綠蜂膠|SEO|PPLS|蜂王乳|芙婷寶|健康食品|神經滋養物質|磷蝦油|葉黃素|超視王|婦貴寶|蜂王漿|GOOGLE排名|保健食品|關鍵字排名|南極冰洋磷蝦油

發表迴響

你的電子郵件位址並不會被公開。 必要欄位標記為 *