澳門亂象:新水上街市問題多 檔主議員轟不切實際

澳門亂象:新水上街市問題多 檔主議員轟不切實際 2018年04月09日 00:23Tweet 東網電視更多新聞短片 新水上街市上月初正式投入服務,卻被檔販投訴問題多多。 熟食中心被轟設計差,新水上街市「好睇唔好用」!歷經多年重建的澳門沙梨頭街市綜合大樓(俗稱新水上街市)上月初正式投入服務,不過,大樓營運短短個多月,便遭各界狠批問題多多。其中,有檔主指街市熟食中心攤檔內空間狹窄,大樓沒有設置集中清洗餐具的「洗碗房」,細小的攤檔難以兼顧清洗工作,被迫把餐具放置在攤檔外,甚至堆放於餐枱上,影響衞生及生意。另外,地上的排水位無法排水,令攤檔長期「濕漉漉」,更有檔主曾因此跣倒受傷。澳門立法會議員批評政府在設計大樓時考慮不周,未切合攤檔實際需要,促請政府與檔主加強溝通,盡快推出改善措施。「廚房得一個鋅盤,點洗碗,個設計根本唔啱用嚟做生意!」於新水上街市2樓熟食中心開設麵檔的好姐指,攤檔面積不足40平方呎,放置爐具和鋅盤後,剩餘面積僅夠一人行走,「最弊係大樓無洗碗房,咁細地方仲要我哋撥啲位出嚟洗碗,根本洗唔切。」好姐指,現時迫於無奈下惟有以膠水喉駁水落地洗碗,而鋅盤則用來洗淨食材。東網記者日前午市時間到現場視察,發現熟食中心的4張長枱、窗邊甚至地上兩旁均放滿用過的餐具和玻璃樽,部分更傳出陣陣臭味,相信已放置一段時間,衞生情況堪虞,「有啲放咗成朝啦,有咩計,試過收番啲餐具就放喺檔口外面,職員話唔得,仲罰咗我哋100蚊,自此我哋洗唔切就寧願唔收,做唔到生意都無計。」好姐指,曾多次向職員反映問題,惟至今仍未有任何改善。她坦言感到十分氣餒,「依家唔使收我租咪做住先,如果一話要收租我就唔會做啦,根本無得做。」「除咗無洗碗房,檔入面嘅排水位根本去唔到水,個廚房又濕又油。」另一位粥檔檔主歐陽女士怒批排水位「裝假狗」,她丈夫更曾因此於廚房內跣低跌傷,她親身示範將一碗熱湯倒向排水口,在未有任何雜物阻塞下,熱湯仍無法經排水口排走,「依家惟有鋪幾層麻布喺地下,防止再跣親。」澳門立法會議員區錦新指,有別於祐漢街市、營地街市或下環街市等市政街市,新水上街市沒有設置集中清洗餐具的「洗碗房」,檔主要於不敷使用的攤檔內部空間兼顧清洗工作,無疑是強人所難,「新水上街市檔口嘅設計同大小頂盡都係好過家用廚房少少,無理由要求佢哋可以一邊做生意煮食,一邊就洗晒所有餐具,相關部門要盡快聽檔主嘅意見然後加以改善。」澳門管治不負責任:http://hk.on.cc/fea/macaugov/

分享更多閱讀請至以下|超視王|PPLS|GOOGLE排名|智勝王|台灣綠蜂膠|磷蝦油|神經滋養物質|保健食品|芙婷寶|網站排名|關鍵字排名|蜂王乳|南極冰洋磷蝦油|婦貴寶|葉黃素|SEO|健康食品|蜂王漿

發表迴響

你的電子郵件位址並不會被公開。 必要欄位標記為 *