好眠百科:恐怖睡眠實驗 十日無眠結果超血腥…

好眠百科:恐怖睡眠實驗 十日無眠結果超血腥… 2018年02月26日 22:00Tweet 東網電視更多新聞短片 原來唔夠瞓係好大鑊,大家都係早啲瞓啦。(設計圖片) 世界係公平嘅,大家都係得24個鐘,咁我用少啲時間瞓覺,咪多你幾個鐘用囉!不過人唔瞓覺,係絕對唔可能。有研究指,瞓覺可以消除疲勞,而且睡眠過程中,身體必要嘅物質又重新獲得補充,等你可以有精力工作,無限輪迴。有人拎白老鼠做過不眠實驗,連續幾個星期冇得瞓嘅白老鼠會陸續死去,但屍體解剖並冇發現白老鼠器官有明顯損壞,反而係血液受到細菌感染而死。正常情況下呢啲細菌殺唔死人,不過如果你長期唔瞓,會慢慢損害免疫系統,最終咪搞死你囉。相關嘅實驗仲話如果人連續72個鐘唔瞓,有可能導致精神失常。傳聞俄羅斯喺40年代進行咗一個「唔畀瞓」實驗。科學家將5個實驗者困喺同一個裝滿興奮劑嘅密室,並提供充足糧食及消閒工具。頭5日大家都相安無事,去到第9日,實驗者開始精神崩潰,有人不停喺密室入面來回跑,有人尖叫,有人更推翻書櫃。過多幾日,實驗者更自挖內臟玩自殘…以上實驗係真係假有待商榷,但世界上有人可以連續11日唔瞓覺!根據健力氏世界紀錄,一個17歲高中生喺1964年,創下264.4小時連續唔瞓覺,更紀錄出佢冇太多負面影響,只係脾氣比較暴躁,偶爾出現幻覺。之後補眠約廿個鐘,身體完全恢復正常。—————是日IQ題:咩動物識打桌球? ……答案:鷹,因為英式桌球(鷹識桌球)

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *