堅GFable+兩個學位 英超最完美女友係佢

堅GFable+兩個學位 英超最完美女友係佢 2018年02月26日 20:08Tweet 東網電視更多新聞短片 (Alicia IG 圖片) 提起女神,第一個諗到嘅字,就係個兵字。正所謂有女邊個想做兵,所以巴打們其實唔大貪,佢哋唔係要咩女神,只要有個「GFable」嘅女仔看門口,就已經好夠喇!GFable,即係適合做女朋友嘅;咁如果又GFable,又靚到似李佳芯,又有身材,再加埋兩個商業學士學位,咁仲唔係Perfect?原來英超曼城葡萄牙中場球星貝拿度施華,都係好似我咁諗,佢女朋友Alicia Verrando又索又正又有腦,可以話係英超最完美女友。Alicia今年23歲,係葡萄牙、法國混血兒,又靚又有氣質,個正樣仲有少少東方人嘅味道,望落都幾似Ali(佢兩個個名嘅開頭係一樣囉)。2015年佢喺美國加利福尼亞州立大學攞到國際商業學位,第二年佢喺法國攞埋第二個學位,22歲就咁叻勁有商業頭腦,再加上無敵美貌同身材,仲邊有得輸?2016年佢加入摩納哥做實習生,就咁識咗貝拿度施華,好快就開始拍拖,依家已經係球會嘅項目經理,勁叻女。英超好多球星,身邊好多都係名模,但講到有腦又識搵錢,又邊係Alicia嗰班?一個咁完美嘅女仔,唔怪得貝拿度施華咁鍾意佢啦,佢哋兩個勁恩愛,周時於網上放閃,貝拿度施華有次為曼城入波後,雙手做出A字手勢送畀女友,堅係戴埋黑超都畀佢哋閃盲。Go Go 開波 GOAL DX 策略手遊贏盡100萬現金獎賞https://goo.gl/irtKhK 東網體育同你追實體壇每個精彩時刻! https://goo.gl/ewVpvE 

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *