入房撞破父母親熱 學生fb斥︰唔想掂佢哋

入房撞破父母親熱 學生fb斥︰唔想掂佢哋 2018年02月26日 18:30Tweet 東網電視更多新聞短片 有學生表示撞破父母在家中親熱,認為他們「好污糟」。(設計圖片/圖中小孩非涉事學生) 香港土地問題嚴重,連家長亦面臨「危機」?近日有學生在社交網站投稿,指在家中撞破父母親熱,直言非常驚恐,更斥他們「好污糟」!該學生在社交專頁「名校 Secrets」投稿,指自己有日打算去父母房間拿風筒吹頭,誰知父母把門鎖上,待他敲門良久,父母始打開房門,「聽到佢哋着褲着衫嘅聲,嗰一刻我都估係咪嗰啲嘢」。豈料當他一進門,就見到「好安全嘅嘢攞喺枱上面」,他直言自己「個心簡直碎咗」,更抗拒與父母接觸,「唔想掂到佢哋,覺得佢哋好污糟……覺得呢個屋企好污糟」。他表示自己讀過生物學,亦拍過拖,知道人是怎樣出生,但「我真係好驚」,更在貼文中向父母勸說︰「如果以後你哋要咩嘅話,可唔可以等我出街先。」有網民嘆謂︰「香港嘅性教育始終都仲係咁保守」,有人表示︰「其實你父母仲咁恩愛咪幾好,總好過他們唔理大家,日嘈夜嘈。」亦有人表示同情事主,「同睇咸片唔同,知道主角係自己嘅親人,難免會尷尬啲嘅。」香港家庭計劃指導會教育主任李婉嫺曾撰文表示,若家長遭子女撞破行房,應予以恰當的解釋,切忌避而不談。李婉嫺指,父母應按子女的成熟程度,而考慮是否作詳盡解釋。如子女年紀較小,可解釋指︰「爸媽需要一點私人時間去表達愛意及擁抱。」李婉嫺建議,父母向子女講述性交時,最重要讓孩子明白性交,是父母互相表達愛意的一種方法,而非一味側重於過程的生理層面。同時,李婉嫺認為,父母也需注意行房時間及地點是否恰當,建議可偶爾將孩子交給親友照顧一會,好讓夫妻倆能抽空在家享受二人世界。—————《港呢啲》:大事小事騎呢事,東網嚴謹選題,輕鬆製作!

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *