【飛人踢波】約已簽!估下保特會去邊?

【飛人踢波】約已簽!估下保特會去邊? 2018年02月26日 10:30Tweet 東網電視更多新聞短片 牙買加飛人保特宣布進軍足球壇,而且話約已簽,周二會揭曉踢邊隊,唔少粉絲既驚喜又意外,查實「閃電俠」已經無數次講過好有興趣踢波,近年亦同唔少球隊走得好埋,唔知有冇機會喺佢身邊球隊搵到食呢?同保特最好關係嘅球會,非英超班霸曼聯莫屬,眾所周知保特係曼聯超級球迷,經常去奧脫福球場為愛隊打氣,以往費格遜年代已經頻頻大送秋波,甚至曾自稱「我嘅能力可以去到朗尼個Level。」另一間名牌球會多蒙特亦同保特關係密切,由於佢哋用緊同一個贊助商,保特上年就證實3月份會去多蒙特跟操,同佢依家宣布落班時間相當吻合,唔通佢先係奧巴美揚真係接班人?保特經理人森斯上年好老實咁分析:「一個已經30歲嘅短跑選手可以踢英超或者德甲?明顯係太誇張啦,但如果接受半年至9個月訓練,我認為保特可以喺英甲或者英乙水平立足。」睇番水平比較次一等嘅球會,保特都唔係冇選擇,好似佢上個月就曾經去南非勁旅馬姆洛迪辛當斯(Mamelodi Sundowns)跟操,早排碧咸宣布成立佢嘅邁阿密球隊,保特亦拍片自薦:「認真講,如果你(碧咸)要搵前鋒,我就係嗰個人!如果你要有人入波,就搵我!」Go Go 開波 GOAL DX 策略手遊贏盡100萬現金獎賞:https://goo.gl/irtKhK 即上英超刨績王:http://win.on.cc/epl 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *