【大超班】根度簡省兩粒 曼城炒起巴素利

【大超班】根度簡省兩粒 曼城炒起巴素利 2018年02月14日 05:37Tweet 東網電視更多新聞短片 (Getty Images、法新社圖片) 即睇全場精華:http://bit.ly/2nXJxPH 曼城大超班,歐聯16強首回合作客怒炒巴素利!今屆歐聯分組賽,曾主場殺敗曼聯嘅巴素利,今戰同樣來自曼市嘅藍月亮毫無還手之力,上半場於15分鐘之內,被根度簡、貝拿度施華同阿古路連入3球,換邊後客軍根度簡再入1粒,曼城大炒4:0完場,次回合變例行公事。曼城收起大衞施華,剛傷愈嘅利萊辛尼亦先擺後備,前線重用阿古路、史達寧及貝拿度施華攻堅。雖然作客出擊,但藍月亮實力遠遠拋離主隊,14分鐘根度簡殺入禁區,接應角球頂入近柱,曼城輕鬆打開紀錄。4分鐘後輪到貝拿度施華發威,佢於禁區內心口控定個沒,跟手左腳一抽搞掂拉開比數。23分鐘阿古路禁區右腳勁射,皮球貼柱入網,半場領先3:0。換邊後根度簡於禁區頂擺橫,之後右腳彎入近柱,今戰梅開二度光芒四射,帶領曼城打好殺入八強基礎。即上英超刨績王:http://win.on.cc/epl 東網體育同你追實體壇每個精彩時刻! https://goo.gl/ewVpvE 

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *