賀歲盃 港聯開操!郭Sir大讚球員落力

賀歲盃 港聯開操!郭Sir大讚球員落力 2018年02月13日 12:23Tweet 東網電視更多新聞短片 一眾球員提早向球迷拜年。 為備戰於大年初四(19日)賀歲盃對香港代表隊一仗,香港聯賽選手隊(港聯)周二(13日)早上於掃桿埔運動場開操,18位入選決選名單的球員均有出席。由於陽光元朗中場狄卡奧早前在比賽期間受傷,而香港飛馬翼鋒艾華則在操練初段腳部感到痛楚,因此兩人在場邊接受治療,並於操練尾段時在場邊跑圈。對於球隊在首課操練的表現,主教練郭嘉諾大讚一眾港聯成員表現落力︰「我非常滿意球員表現,我同班球員講,我覺得今日呢課操練應該畀公眾同本地球員入場,個質素係一流。『猜馬騮』嘅質素係喺香港隊未見過,係好好睇,而且佢哋成班係冇保留,成個訓練個強度同競爭性好高。我哋香港本土球員有時練習會留力,畀7至8成左右,但成班外援練習係習慣畀足120%,而喺練習同比賽係一樣。」「郭Sir」坦言陣中成員均獨當一面,目前面對着排陣選人的問題,更笑指球隊可擺出6前鋒的陣式︰「的確係有選擇困難,我哋依家有6個前鋒,你見好多球員都有個人能力,所以今場比賽我會畀佢哋喺前線自由發揮,我預期呢場波我哋會好進取。」郭嘉諾亦補充道,球隊大部份成員均會平均獲得一定的上陣時間︰「球隊目前試緊好多前鋒組合,但係我會幾肯定好多球員起碼都會有45分鐘嘅上陣機會。」至於狄卡奧及艾華經隊醫檢查後,已確定傷勢無大礙,兩人均可於周四(15日)復操。

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *