港人點睇Fintech?實體銀行已經過時?

港人點睇Fintech?實體銀行已經過時? 2018年02月12日 17:07Tweet 東網電視更多新聞短片 雖然近年香港積極發展金融科技(Fintech),但市民準備好接受嗎?就此,渣打銀行訪問了2,400位受訪者,分析香港、台灣及上海等大中華區市民,願不願意接受金融科技。【1、銀行會否地位不保?】近年經常有人話金融科技顛覆金融生態,甚至可能取代傳統銀行地位。不過,渣打調查就唔係咁講嘞!在受訪者當中,原來只有6%傾向使用由科技公司提供的金融產品,原因係受訪者認為傳統銀行提供的金融科技產品,服務供應信譽較佳,機構的財政狀況亦較穩健。簡單啲講,即係對傳統銀行比較有信心!【2、上海市民使用金融科技程度最高】若比較兩岸三地中的受訪者,對電話支付、網上借貸、網上買賣股票等金融科技服務認識程度(Awareness),大家差異不大,但上海在使用程度上,就稍勝台灣同香港喇!渣打香港資訊科總監洪滿霜表示,估計上述現象係認為上海市民對金融產品接觸機會較多,從而對產品了解亦較多,所以使用程度較高。【3、點解香港人唔用Fintech?】最主要因素為擔心保安問題,共有31%受訪者對此感到擔心。不過,值得留意嘅係有27%香港受訪者對現存服務已經「好滿意」,所以未有誘因用Fintech,較上海及台灣分別高3%及2%。【4、原來銀行實體分行好重要!】近年香港積極發展不設實體分行的「虛擬銀行」,但調查就話,有受訪者表示,原來實體分行服務係難以取替!因為分行可以提供即時及個人化服務,有受訪者仲話,遇上問題一定會到實體分行,因為自己喺網上研究會好易睇漏細節。【5、渣打又點睇香港金融科技發展?】睇完調查,傳統銀行自己又點睇?洪滿霜話,近年金融科技方面「好多嘢發生𡁵」,金管局亦好落力去推動發展,不過佢就話「係時候都要睇吓顧客需要啲咩」,認為渣打現時都係致力完善客戶體驗為主。至於會否領取「虛擬銀行」牌照,佢就話研究細節中,暫時未有定論─ ─ ─ ─ ─ ─《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!遊戲下載:https://goo.gl/i2t1yj 虛擬貨幣新錢途︰http://on.cc/virtualcoins/ 新股上市專輯︰http://money18.on.cc/IPO/ 「東網Money18」全新功能「貼市貼士」,助你掌握投資先機http://bit.ly/2sLtGDm 「致富智庫」領悟理財/職場智慧,一Click改變一世http://money18.on.cc/wealth

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *