【有片】古仔開齋!巴塞雙蛋贈華倫入決賽

【有片】古仔開齋!巴塞雙蛋贈華倫入決賽 2018年02月09日 06:31Tweet 東網電視更多新聞短片 (法新社) 即睇全場精華:http://bit.ly/2BPD1mw 即上英超刨績王:http://win.on.cc/epl 萬事起頭難,上月以破球會紀錄的1.6億歐元由利物浦加盟巴塞隆拿的巴西中場菲臘比古天奴,終於入波喇!巴塞亦憑古仔開齋及拿傑迪錫建功,在西班牙盃4強次回合作客以2比0擊敗華倫西亞,兩回合總比數贏3比0晉級決賽,將與西維爾爭冠軍。首回合有1球在手的巴塞今仗雖然作客,但繼續控制戰局,華倫除了後防泊大巴,亦嚐試打反擊,可惜總欠臨門一腳,試過頭槌中楣彈出,真係冇運,半場互無紀錄。下半場古天奴後備上陣,50分鐘建功,蘇亞雷斯左路底線傳中,古仔伏兵遠柱瞓晒身落地窄位卧射死角入網,為巴塞打開紀錄,並取得自己轉會巴塞後首個入球,眾隊友都戥佢高興,紛紛前來道賀。巴塞本已控制節奏,取得作客入球後更加冇得打,華倫一輪反擊無功而還後,再畀巴塞桶多一刀,82分鐘拿傑迪錫接應蘇亞雷斯妙傳近門勁射破網,為巴塞射成2比0完場,朝西班牙盃4連霸之路繼續挺進。東網體育同你追實體壇每個精彩時刻!http://bit.ly/2ecTF2A 

分享更多閱讀請至以下||||||||||||||||||

發表迴響

你的電子郵件位址並不會被公開。 必要欄位標記為 *