政Whats噏:臨走自爆 馬斐森話冇人留佢

政Whats噏:臨走自爆 馬斐森話冇人留佢 2018年01月08日 10:40Tweet 東網電視更多新聞短片 馬斐森離任前自爆,辭職是因為沒有人與他商談續約。(設計圖片) 香港大學校長馬斐森喺上年2月突然劈炮,上任不足3年就以私人理由辭職,減薪跳槽至蘇格蘭愛丁堡大學做校長,而馬斐森喺港大嘅日子已經正式進入倒數階段,今個月底佢就會執包袱。不過,佢今日(8日)就大揭秘,自爆離職竟然係同港大校委會主席李國章無同佢傾續約有關。竟然推翻之前嘅離任原因,唔通冇人同佢傾續約先係佢口中嘅私人理由?馬斐森嘅合約原本至明年先屆滿,而佢就較原定任期早逾一年離任,當時辭職消息一傳出,已遭港大教職員同學生炮轟不負責任。至於上星期有訪問咗逾600名港大教職員嘅調查結果公布,發現受訪者一面倒批評其表現,更有人炮轟佢係港大歷屆最差校長添,可以話走都走得無面過人。喺佢任內風波不斷,好似副校長任命風波、衝擊校委會等,但佢過去已多次否認因政治壓力而劈炮,更曾經喺發送予全校師生嘅電郵中表示,離港返英涉及好多私人原因,而佢亦曾同屋企人深入商討過喎。當時就有消息指,馬斐森妻子應徵港大牙醫學院助理教授被質疑獲特別對待,最終選擇退出遴選,所以其太太希望返回蘇格蘭工作,而馬斐森亦都有返回蘇格蘭照顧母親嘅意願。馬斐森從來無就有關說法澄清同否認,但偏偏離任在即就玩自爆。馬斐森接受報章訪問時推翻之前嘅離任原因,佢話5年合約已踏入第4年,但李國章仍然冇同佢討論續約事宜,所以唔肯定自己能否獲得續約,先促成跳槽至愛丁堡大學嘅決定喎。佢更指出,當初得悉愛丁堡大學對佢有興趣時,佢並唔認同需要有關工作,大賣口乖咁話港大校長一職係完美,而佢亦高興留喺港大咁話,但隨住時間變化,佢先開始考慮愛丁堡大學。另外,佢又稱任內感到來自各方嘅壓力,包括香港官員、中聯辦、校友、教職員、傳媒等,更透露中聯辦同所有大學領導層有聯絡,又形容中聯辦對香港嘅教育感到興趣,但佢就相信各方嘅出發點都係為咗大學着想。仲記得馬斐森提出離職時,就已經有指係被李國章架空其權力所促成,但馬斐森當時就否認,仲話同李國章關係良好。但係喺最新訪問中,馬斐森就透露自己有時成為少數聲音而曾出現困難情況,今次終於講到出口,突然劈炮原來係同冇人同佢傾續約。

分享更多閱讀請至以下|保健食品|網站排名|SEO|蜂王乳|智勝王|台灣綠蜂膠|健康食品|PPLS|蜂王漿|關鍵字排名|GOOGLE排名|磷蝦油|芙婷寶|超視王|神經滋養物質|婦貴寶|葉黃素|南極冰洋磷蝦油

發表迴響

你的電子郵件位址並不會被公開。 必要欄位標記為 *