【星球大戰】佢要做美斯影子 由他吧!

【星球大戰】佢要做美斯影子 由他吧! 2018年01月05日 00:36Tweet 東網電視更多新聞短片 即上英超刨績王:http://win.on.cc/epl 菲臘比古天奴2013年以850萬鎊,由國際米蘭轉投利物浦,數年間由一個被國米投閒置散嘅小伙子,搖身一變成為利物浦進攻核心。巴塞隆拿上年夏天出手搶人,利記最後成功留到佢半季。不過,古仔想走始終留佢唔住,利迷阿超真心咁諗:「佢要去做美斯個影,咪有得佢囉!」古仔愈踢愈勁,自然會畀啲所謂嘅「大球會」吼實。唔好搞錯,筆者唔想古天奴走,主張就算真係要賣古,都等到夏天打完世界盃先。利記唔放古天奴,佢都吹你唔漲,罷賽只會影響佢踢世界盃,百害而無一利(獨自操練都會傷㗎傻仔)。「疤狗」那渣招用到盡,連NIKE都出手幫埋一份,懶係偷步宣布加盟。交易未成事扮已經傾掂,再次引起公眾猜疑,手法卑劣到非筆墨可以形容。古仔去到巴塞,其實都只係做美斯影子,就算係佢老友尼馬都逃離唔到呢個現實。阿根廷球王唔係球霸,但係佢喺球場上嘅份量,就好似一粒質量極大嘅星球,好自然將所有注意力吸咗喺佢身上,年到30依然咁Fit,想搶佢風頭都幾難。不過,可能古仔認為捧盃最重要,可能古仔認為利物浦點大搞都唔會將佢推到球王級數嘅高峰,可能古仔認為只要有得贏,就算做美斯影子都冇所謂。佢點諗都好,離心已現,要留住佢已經係Mission Impossible。事到如今,筆者真心覺得與其留人,不如怒鑿「疤狗」一筆仲實際。利物浦近兩季收購,尤其是進攻線上,可以話一個都冇入錯。拿比基達今夏加盟值得令人期待,近日外國傳媒屢傳摩納哥攻中湯馬士林馬,如果真係走,屬意加盟利物浦,可見高普有一種吸引力。有呢位咁有魅力嘅領隊喺度,球迷又使乜怕冇好球員加盟?紅軍唔係要搵古仔替代品,而係搵可以超越佢嘅球員。老實講,留住羅拔圖法明奴更緊要。「費眠龍」擔任「假9」角色,令到高普戰術得到接近100%嘅發揮,當今球壇「攻中易搵,假9難求」,我驚佢走多於賣古。利物浦有心爭雄,繼續擴軍係必然,陣容一定會繼續變,球迷要有心理準備自己喜愛嘅球星會離開紅軍。各位鍾意利記嘅球迷真係唔使嬲,古天奴想做美斯影子,咪有得佢囉!●阿超東網體育同你追實體壇每個精彩時刻!http://bit.ly/2ecTF2A

分享更多閱讀請至以下|健康食品|PPLS|台灣綠蜂膠|超視王|南極冰洋磷蝦油|保健食品|SEO|婦貴寶|關鍵字排名|GOOGLE排名|磷蝦油|芙婷寶|智勝王|蜂王乳|神經滋養物質|葉黃素|網站排名|蜂王漿

發表迴響

你的電子郵件位址並不會被公開。 必要欄位標記為 *