孖妹S檔案:美日「勁股」勁揪過香港股王!

孖妹S檔案:美日「勁股」勁揪過香港股王! 2018年01月01日 11:31Tweet 東網電視更多新聞短片 「最心痛是,愛得太遲……」感情如是,買股亦如是。股友們2017年可能錯過咗好多倍升股,怨自己點解唔早啲買入;當你放眼世界,並發現原來倍升股多的是!孖妹趁周二(2日)2018年首個交易日之前,搜羅2017年全球爆升股,發現美股同日股嘅倍升股,原來仲勁揪過香港股王騰訊控股(00700)!●日股胡椒食品入主板漲10倍彩兒:弊!我呢兩個禮拜重咗3磅!條小蠻腰都唔見埋添!Kitty:梗係啦,你咁多Party,成日食好嘢,唔肥就假啦。彩兒:唉……唔講唔知,其實我係為工作犧牲,先去多咗胡椒廚房(Pepper Lunch)食牛扒。乜你唔知2017年表現最好嘅其中一隻日股,正正係經營胡椒廚房嘅胡椒食品服務(日股:3053)?佢嘅股價單單喺2017年就升咗超過7倍,股價由年頭594.8日圓,升到年尾嘅逾5,000日圓,10月時更一度高見8,213日圓,即係話相比2017年初,升咗12.8倍,高位計唔夠1年就變身「10倍股」!升得咁勁嘅原因,係股份2017年5月由喺創業板掛牌升到中小板,跟住再喺8月「升呢」到主板,股價自然跟住水漲船高。1年升兩級喎,你讀書嗰陣都未試過啦。●北方達人勁過任天堂 Kitty:哈,咁都畀你搵到位入。但全年計嘅話,我搵咗隻升得更加多嘅日股喎,但唔係你最鍾意嘅任天堂(日股:7974)!雖然你好鍾意捉小精靈,但任天堂2017年只係升咗近7成咋,相比同期升咗超過10倍嘅北方達人公司(日股:2930),真係小巫見大巫。佢係1間日本電商公司,業務包括網上賣保健食品、化妝品等,股份啱啱喺上個禮拜再創新高,稱得上由年頭升到年尾。彩兒:升咁多真係唔簡單,所以我成日話女人錢最易賺。●美股比特幣信託受惠狂熱Kitty:2017年算係相對容易賺錢嘅一年,唔少資產都有得升,特別係虛擬貨幣,好似坐咗火箭咁。好多人可能都未識點買比特幣(Bitcoin),但其實有一啲相關信託可以經美股戶口買。例如,持有實貨比特幣嘅比特幣投資信託(美股:GBTC),該股2016年尾收報106.7954美元,2017年尾升到2,150美元水平。彩兒:咩話?1年升咗十幾倍有多?Kitty:係,我冇講錯,你亦冇計錯,2017年最高位計更一度升近32倍添!比特幣投資信託由一間叫Grayscale嘅公司推出,依家持有超過17.1萬個比特幣,計番每一單位信託約相當於0.09196847個比特幣。彩兒:咪住先,以2,150美元買0.09196847個比特幣,即係要超過23,000美元買一個比特幣,但係依家一個比特幣價格約14,000美元水平,呢隻信託溢價都頗大喎!Kitty:你好少計數咁叻喎。溢價反映咗市場對比特幣嘅狂熱,以及投資者可以省卻購買同儲存比特幣嘅麻煩,值唔值得畀溢價就見仁見智喇。之前就話一般人買比特幣冇乜途徑,但依家已經有比特幣期貨,比特幣交易所買賣基金之後又有機會面世,一旦出現估值修復就弊。再者,呢排比特幣價格大上大落,隻信託都大致跟住,如果喺2017年高位買咗,依家已經帳面蝕近4成,都咪話唔傷!●中概科網股普遍癲升彩兒:計我話,比特幣走勢咁難捉摸,都係睇番啲科網股好過。好似一啲喺美國上市嘅中國科網公司,例如京東(美股:JD)、微博(美股:WB),至少都聽過公司名,而佢哋2017年都分別升咗約66%同157%,同期表現相對好嘅歡聚時代(美股:YY)更升咗近2倍。Kitty:確實係有得升,不過2017年喺香港買騰訊都贏一個開啦。不如睇吓專家預測2018年買乜嘢仲好啦!─ ─ ─ ─ ─ ─【2018 捧咩板塊?】吳:海納資產管理董事吳家順(Thomas)●電競料倍升 瞄準NVIDIAKitty:Thomas,收到風你公司啱啱喺2017年12月出咗隻電競基金喎!吳:冇錯,因為我極度睇好電競、大數據、區塊鏈、人工智能呢啲好陽光嘅行業,覺得係全球大勢所趨,個餅會一路增長,起碼仲可以炒幾年。彩兒:電競呢排好Hit呀!雷蛇(01337)早前咪成為咗首隻喺香港上市嘅電競概念股。吳:係,但我隻基金冇買。如果雷蛇有得沽空,我直頭會做淡添。我對雷蛇冇偏見,但就覺得佢估值高、冇錢賺、行業入場門檻低,唔係太睇好囉。其實成個電競產業鏈,我鍾意軟件同技術多啲,雖然開發成本相比做硬件高,但成功嘅話近似印銀紙。例如,騰訊嘅遊戲算係少少關事,但嚴格嚟講我喺香港未搵到啱嘅公司投資,所以轉咗去美日股市尋寶。●留意Bitcoin概念及軍工Kitty:可以分享有邊啲心水股嗎?吳:哈哈,隻基金仲入緊貨,唔透露住喇。不過,想講晶片生產商NVIDIA(美股:NVDA)食正電競熱潮,我會繼續觀察佢嘅走勢。我相信成個電競相關板塊,2018年平均上升5成到1倍唔難!其他板塊方面,比特幣概念我覺得仲有得炒,始終市場上呢類公司選擇唔多。美國軍工股我都睇好,因預期美國2018年有軍事行動嘅機會頗大。●上市新例利好 科網發威陳:東興證券(香港)研究部總監陳鳳珠(Ellie)彩兒:聽講你食過胡椒廚房。陳:的確喺香港食過1次,質素普通啦。Kitty:可能各人口味唔同,2017年胡椒食品服務股價爆升喎。陳:我知呀。當股價1年上升咗10倍、8倍,我建議有貨嘅投資者可以鎖定利潤先,減持部分股份,始終一般公司好難連續2年都勁升。股價回落之後買唔買番,就要睇睇公司盈利增長能力等基本面夠唔夠穩健。陳:至於2018年,我比較睇好科網、手機設備、內險板塊,因為香港交易所(00388)落實喺主板引入「同股不同權」公司上市,料更多創新科技公司會來港上市,又或者中概股回歸,都有利市場焦點放番喺騰訊身上。●內險陣痛過後有錢景彩兒:「股王」騰訊「王者再臨」唔出奇,但手機設備股呢排跌得好甘喎。陳:的確調整咗唔少,但大趨勢冇變,手機零部件繼續要升級,研發技術高嘅龍頭如瑞聲科技(02018)、舜宇光學科技(02382)依然有優勢。至於睇好內險就因為中保監已經做咗好多收緊監管動作,有利保險行業愈嚟愈健康,加上2018年A股被納入MSCI,A股隨時有新一輪升浪。─ ─ ─ ─ ─ ─回顧2017財經大事,展望2018股、樓、經濟走勢即上http://hk.on.cc/fea/review2017/ 虛擬貨幣新錢途︰http://on.cc/virtualcoins/ 「東網Money18」全新功能「貼市貼士」,助你掌握投資先機http://bit.ly/2sLtGDm

分享更多閱讀請至以下|葉黃素|婦貴寶|健康食品|南極冰洋磷蝦油|網站排名|關鍵字排名|智勝王|磷蝦油|蜂王漿|PPLS|台灣綠蜂膠|SEO|GOOGLE排名|保健食品|超視王|蜂王乳|神經滋養物質|芙婷寶

發表迴響

你的電子郵件位址並不會被公開。 必要欄位標記為 *