哈利卡尼死穴曝光!愛人BB玩到佢跪低認錯

哈利卡尼死穴曝光!愛人BB玩到佢跪低認錯 2018年01月02日 08:30Tweet 東網電視更多新聞短片 即上英超刨績王:http://win.on.cc/epl 正所謂英雄難過美人關,就好似依家英超金靴哈利卡尼,平時無論面對對手幾嚴密嘅防守,都一一畀佢攻破,只係當佢遇上女伴Kate,每次都畀人食住,隨時都要跪低認錯,真係估佢唔到喎!話說早幾日哈利卡尼擺咗張佢同8個足球嘅合照上個人IG,象徵住自己喺2017年上演過8次帽子戲法,呢8個波正正係佢每次中三元之後,按慣例拎走去留念嘅足球。然後,呢位熱刺射手仲喺IG寫住:「2017對我嚟講相當美好,2018都要繼續!#帽子波 #金靴 #新年快樂」本來就咁睇呢句,寫吓自己威水史,表面睇都好正路,冇乜唔妥,點知原來哈利卡尼今次認真大鑊,就係呢句刺激起佢女友Kate。就喺哈利卡尼上載張相去IG冇耐,Kate隨即寸爆留言:「第一個BB呢?訂婚呢?」明寸哈利卡尼將同佢嘅人生大事都變小事,無論係舊年年初佢哋個BB出世,以至7月卡尼向Kate求婚,都冇咗件事,鬧爆卡尼將足球擺晒落人生第一位啦!面對女友發火,哈利卡尼唯有即時「跪低」認衰,喺網上留言補鑊,Tag咗女友名,然後寫住:「當然呢兩樣都係一樣冇得彈啦BB!」查實阿Kate公開「寸」男友都唔係第一次,前季哈利卡尼以25個入球做英超金靴,Kate都留言話係「一季好彩」,結果到上季呢位熱刺射手冧莊,就連熱刺官方社交網都玩埋一份,寫住「『一季好彩』嘅哈利卡尼依家連續第2季攻入25球以上,冧莊金靴!」雖然睇落哈利卡尼畀女友食住,但其實當中都好溫馨甜蜜嘅!東網體育同你追實體壇每個精彩時刻! https://goo.gl/ewVpvE 

分享更多閱讀請至以下|健康食品|智勝王|SEO|保健食品|南極冰洋磷蝦油|蜂王乳|網站排名|蜂王漿|關鍵字排名|台灣綠蜂膠|PPLS|葉黃素|芙婷寶|婦貴寶|GOOGLE排名|神經滋養物質|超視王|磷蝦油

發表迴響

你的電子郵件位址並不會被公開。 必要欄位標記為 *