2018新人注意 LEGO浪漫預告

2018新人注意 LEGO浪漫預告 2017年12月26日 15:00Tweet 東網電視更多新聞短片 新郎與新娘都各有三款顏色嘅頭髮組件,新郎亦可改為戴帽造型,留意新娘嘅花束組件係全新款式。 要搵巴打與絲打都鍾意嘅玩具,其實唔係想像中咁難,最起碼塵世間仲有LEGO,尤其是Wedding小型Boxset,送畀新婚嘅親朋戚友又得,夫妻們作為新婚或周年紀念小禮物都得;如果你啱啱收到紅色炸彈,又或者自己就快好事近(恭喜晒),LEGO將於明年推出嘅Wedding Favour(40197)與Seasonal Flowers(40187)又啱唔啱使?40197係LEGO第三款以婚禮為題嘅小型Boxset,組件數目為132枚,比起去年嘅前作40165多咗43枚,可以預期,婚禮布置更加豐富,新郎、新娘當然唔少得,隨盒仲有地台、走廊、欄杆、壁燈與拱門,結婚蛋糕亦模仿實物,頂部設有一對黑白雙色的袖珍Figure。至於新郎與新娘各有三種顏色嘅頭髮組件,更要留意新娘嘅花束,由綠葉到花瓣都係全新設計組件,睇得出品牌都幾重視呢款新Boxset。Seasonal Flowers(40187)同樣有浪漫色彩,內有100枚組件,可以砌出玫瑰花及雛菊各一朵,外觀上既有實物嘅神髓,而且連埋花盤,可以穩陣擺放,仲要留意花莖與葉子之間以可動關節相連,令葉子可以上下轉動,若然花瓣都有同樣設計嘅話就Perfect池了!雖然呢兩款新Boxset已經有建議零售價,不過品牌仲未公布上架日期,只知會喺明年推出,唔知趕唔趕得切你嘅大日子呢?

分享更多閱讀請至以下|保健食品|葉黃素|磷蝦油|超視王|PPLS|蜂王乳||關鍵字排名|智勝王|健康食品|明亮寶|網站排名|芙婷寶|南極冰洋磷蝦油|SEO||

發表迴響

你的電子郵件位址並不會被公開。 必要欄位標記為 *