英超 熱刺數聖人 哈神贏美斯封射手王

英超 熱刺數聖人 哈神贏美斯封射手王 2017年12月26日 22:22Tweet 東網電視更多新聞短片 即上英超刨績王:http://win.on.cc/epl 熱刺靠入波入到癲嘅哈利卡尼再演帽子戲法,主場5比2大勝修咸頓,2017年贏住過新年!哈神弗到冇人有,今仗先後以頭槌、右腳同左腳建功,連續兩場大演帽子戲法,除一舉打破舒利亞嘅年度英超入球紀錄外,仲贏埋美斯封2017年射手王,認真犀利!上仗已經連中三元嘅哈利卡尼,已經成功追平名宿舒利亞一年内英超入球紀錄,呢場作為熱刺2017年嘅「收爐」一戰,哈利卡尼梗係想乘勢破埋個紀錄佢,為咗幫呢位當弗前鋒完成願望,熱刺成班波呢場進攻特別落力,開波多次創造機會威脅修咸頓後防,終於喺比賽第22分鐘,由哈利卡尼接應基斯甸艾歷臣靚絕罰球傳送,近門幾乎無人看管之下,頂入個人今年相信係最容易嘅一個入球之一,成功超越舒利亞成為英超史上一年内入最多波嘅球員,入完波後舒利亞即刻喺社交網站發文,祝賀呢位國家隊後輩破到紀錄。不過哈利卡尼咁弗1球又點夠喉,於是乎17分鐘後佢再接應孫興民助攻推入第2球,超越埋美斯,成為今年射手王,及後已經入到着晒火嘅哈利卡尼一發不可收拾,下半場再錦上添花完成帽子戲法,將個人2017年入球紀錄鎖定為56球,今年英超入咗39球。見到哈利卡尼入波入得咁開心,熱刺一班隊友都不甘示弱,有近10場冇波入迪利阿里嘅打破入球荒,同孫興民一人入一球,雖然修咸頓有保法爾同杜辛泰迪治成功破蛋,不過都無阻熱刺以5比2,喺2017年最後一仗取得大勝。2017射手王榜1 哈利卡尼 (熱刺及英格蘭) 上陣50場入56球 (平均每場1.12球)2 卡雲尼 (巴黎聖日耳門及烏拉圭) 上陣58場入54球 (平均每場0.93球)3 美斯 (巴塞隆拿及阿根廷) 上陣64場入54球 (平均每場0.84球)4 羅拔利雲度夫斯基 (拜仁慕尼黑及波蘭) 上陣56場入53球 (平均每場0.95球)5 C朗 (皇家馬德里及葡萄牙) 上陣60場入53球 (平均每場0.88球)東網體育同你追實體壇每個精彩時刻! https://goo.gl/ewVpvE 

分享更多閱讀請至以下|蜂王漿|PPLS|GOOGLE排名|磷蝦油|南極冰洋磷蝦油|智勝王|蜂王乳|SEO||葉黃素|超視王|明亮寶||芙婷寶|網站排名|保健食品|婦貴寶

發表迴響

你的電子郵件位址並不會被公開。 必要欄位標記為 *