騎士輸聖誕大戰大帝賴球證

騎士輸聖誕大戰大帝賴球證 2017年12月26日 09:00Tweet 東網電視更多新聞短片 勒邦占士(右)賽後同杜蘭特隔空罵戰。(美聯社圖片) 勇士喺NBA聖誕大戰主場以99:92擊敗騎士,積蒙格連取得3雙,固然係贏波功臣,不過比賽其實充滿火藥味,因為杜蘭特喺開波7分鐘已幾乎被逐,而且佢喺完場前封阻勒邦占士,被指有犯規嫌疑,賽後仲隔空同大帝展開罵戰添!兩隊喺比賽中互有領先,比數咬得好緊,去到第4節雙方打成92平手,奇利湯臣連入7分協助勇士甩開比數,期間勒邦占士剷籃被杜蘭特封阻,經過翻看錄像,球證認為杜蘭特冇犯規,而且個波掂到勒邦占士隻手出界,斷送騎士贏波希望。最後杜蘭特有25分、7個籃板同3次助攻,奇利湯臣有24分、7個籃板同2次助攻,加上積蒙格連有12分、12個籃板同11次助攻,協助勇士取得勝利。相反,勒邦占士有20分、6個籃板同6次助攻,路夫有31分同18個籃板都救唔到騎士。另外,兩隊積怨太多難免多拗撬,例如杜蘭特喺開波7分鐘,已因為向球證投訴,幾乎連食兩次技犯被逐,而且佢喺完場前關鍵時刻封阻勒邦占士,賽後覺得自己防守合法,但大帝唔係咁睇:「我的確係被犯規,但你知道,咁你又可以點?」東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|PPLS|南極冰洋磷蝦油|磷蝦油|葉黃素|GOOGLE排名|關鍵字排名||超視王|智勝王|網站排名||SEO|婦貴寶|保健食品|芙婷寶|蜂王乳|蜂王漿

發表迴響

你的電子郵件位址並不會被公開。 必要欄位標記為 *