政Whats噏:王國興復出參戰第二輪補選?

政Whats噏:王國興復出參戰第二輪補選? 2017年12月25日 22:04Tweet 東網電視更多新聞短片 最多人點名政壇老將王國興,希望他復出參戰第二輪補選。(設計圖片) 將於明年三月舉行嘅立法會四席補選,建制派早喺大半年前已確認人選,由民建聯深水埗區議員鄭泳舜出戰九龍西補選,工聯會前立法會議員鄧家彪再戰新界東。至於之後再舉行嘅九西及新東第二輪補選,建制派亦已開始構思應該派咩人迎戰。若果鄭泳舜同鄧家彪喺首輪補選中敗陣,有人就提議換人參選,其中一種構思係搵番啲政壇老將,例如工聯會前立法會議員「阿王」王國興復出參選,希望可為選舉帶來「新氣象」,以及為二○二○年嘅立法會換屆選舉提早部署備戰。宣誓風波先後令六名民主派議員被取消資格,其中原屬青年新政游蕙禎、梁頌恆、香港眾志羅冠聰同自決派姚松炎嘅四個議席,將率先喺明年三月補選。至於自決派劉小麗同社民連梁國雄嘅九西同新東議席,因兩人正就宣誓覆核案上訴,當局會喺官司完結後先舉行補選,估計最快要等到明年底先投到票。根據民主派與建制派喺直選得票嘅「六四黃金比例」,嚟緊四席補選中嘅三個直選議席,各方都估計民主派候選人勝出嘅機會較高。如鄭泳舜同鄧家彪一如所料落敗,建制派再次派出兩人參加第二輪補選,可能會令選民感到厭倦,影響投票意欲。加上預計民主派會派番小麗同長毛出戰第二輪補選,將會較首輪補選嘅對手難打,鄭泳舜同鄧家彪連輸兩次會好難睇,因此就有人提出應該換人參選。若然決定換人,其中一個考慮係派啲二、三線嘅新人區議員出戰,藉此提高知名度作長線部署,但建制派又擔心啲新人易請難送,輸咗補選之後又想爭取喺二○二○年嘅換屆選舉出線,打亂原有嘅接班安排,添煩添亂。反而如果改派啲本已退出政壇、無欲無求嘅老將參選,無論最後係贏定輸,要佢啲退番落嚟都易啲,甚至可利用佢哋喺補選中取得嚟嘅剩餘支持度,於換屆選舉中為新人抬轎。當中最多人點名嘅老將,就係去年以廿三萬高票落選嘅阿王。阿王反佔中、反港獨、反拉布嘅立場鮮明,由佢嚟對付小麗或長毛就最合適不過。阿王被問及被推薦參選第二輪補選時話,自己係首次聽到呢個說法,但佢同時維持早前對會否參加補選嘅說法,就係「義不容辭、當仁不讓、服從大局」十二個大字,由此觀之,阿王戰意依舊高昂,如果佢最後決定出戰九西,更加係首位先後參加過傳統功能界別、超級區議會選舉,以及港、九、新界地區直選嘅人士,即使最後落選,都足以在歷史上留名!

分享更多閱讀請至以下||明亮寶|蜂王漿|芙婷寶|蜂王乳|葉黃素|PPLS|GOOGLE排名|超視王|保健食品|SEO||健康食品||網站排名|磷蝦油|婦貴寶

發表迴響

你的電子郵件位址並不會被公開。 必要欄位標記為 *