【有片】小古華特又入世界波 紅魔一月簽佢

【有片】小古華特又入世界波 紅魔一月簽佢 2017年12月25日 05:45Tweet 東網電視更多新聞短片 即上英超刨績王:http://win.on.cc/epl 即睇祖斯甸古華特平安夜世界波:https://goo.gl/zMvjkQ 荷甲平安夜上演幾場大戰,其中近排內部立立亂嘅阿積士,喺主場就以3比1反勝威廉二世,繼續向榜首燕豪芬施壓。場波焦點就落喺為阿積士射入扳平世界波嘅祖斯甸古華特身上,事關呢個18歲天才前鋒今日突然傳出會喺一月加盟曼聯,呢球靚波極可能係佢送畀未來波士莫連奴嘅聖誕禮物呀!年僅18歲嘅「小古華特」係名將之後,佢爸爸就係踢過AC米蘭同巴塞隆拿嘅荷蘭名將前鋒古華特,來頭確係唔嘢少。今年初先被提升到阿積士一隊嘅祖斯甸,今季喺荷甲已經入咗5球,當中自然包括上個月對洛達場波大演帽子戲法,以及今場射入世界波啦!對於「小古華特」畀曼聯睇中,有傳喺上屆歐霸盃決賽賽後,就已經有人影到曼聯領隊莫連奴捉住佢傾密偈,仲有人讀唇話睇到「寸王」話2018年簽佢。至於最新消息,則係話「寸王」一直不滿「紅魔鬼」進攻,想搵個可以踢前鋒同翼鋒嘅球員,而喺佢哋斟介國際米蘭比列錫未有進展下,「寸王」將可能喺下月轉會窗重開,就即刻將祖斯甸古華特簽入咁話。唔好講咁多,即刻睇片,睇吓呢個明日之星有幾勁!東網體育同你追實體壇每個精彩時刻! https://goo.gl/ewVpvE 

分享更多閱讀請至以下|保健食品|南極冰洋磷蝦油|蜂王乳|蜂王漿||PPLS|GOOGLE排名||健康食品|智勝王|磷蝦油|明亮寶|SEO|超視王|婦貴寶|葉黃素|芙婷寶

發表迴響

你的電子郵件位址並不會被公開。 必要欄位標記為 *