英聯盃 紅魔畀布城絕殺 寸王:對手好彩

英聯盃 紅魔畀布城絕殺 寸王:對手好彩 2017年12月21日 06:09Tweet 東網電視更多新聞短片 (Getty Images圖片) 即上英超刨績王:http://win.on.cc/epl 曼聯周四凌晨作客布里斯托城,合演英聯盃8強賽事。紅魔領隊莫連奴今仗雖然用唔少後備球員,但係陣容都係有大量大牌球星,絕非布城可比。點知紅魔今仗後防出晒事,仲畀主隊絕殺,1:2輸波出局,無緣衞冕!寸王今仗擺伊巴謙莫域打箭頭,安東尼馬迪爾同拉舒福特支援,中場仲有保羅普巴,今季冇乜上陣嘅勞克梳爾都有得打正選。雖然陣容絕對唔係最強,但係戰力絕對唔曳,11分鐘仲有伊巴接應馬迪爾傳中,射中布城守將中楣,21分鐘又有拉舒福特遠射中柱,差啲就可以先開紀錄。紅魔半場威脅多但埋門差少少,同對手窿窿返更衣室。布城換邊後開始多番啲,51分鐘仲憑一次靚爆組織,由左翼祖爾拜仁射個靚波先開紀錄,曼聯先如夢初醒。伊巴喺58分鐘射入罰球為紅魔追和,寸王仲換埋盧卡古入嚟,希望可以反敗為勝。點知主隊喺補時階段,捉到紅魔守將唔集中,走甩哥利史密夫,史密夫空到可以控定個波、轉身先射門,羅美路出迎封位已經太遲,只能眼白白睇住個波入網。布城憑住呢個93分鐘嘅入球,成功降魔殺入4強。寸王賽後梗係唔順氣啦,雖然話布城有運,但係都讚主隊好有鬥心:「佢哋勝在有運,但係呢種運氣係拚搏番嚟。我哋射中咗門柱兩次,人人都以為我哋仲可以入到波。」寸王又指班波根本唔上心:「布里斯托城踢得好出色,搏盡老命去比賽,相反我哋上半場踢得唔夠落力,精神上同體能上都係。今日就好似係班球員要開OT,有啲人根本唔想返工。」東網體育同你追實體壇每個精彩時刻!http://bit.ly/2ecTF2A

分享更多閱讀請至以下|健康食品|芙婷寶|南極冰洋磷蝦油|超視王|明亮寶|智勝王|蜂王乳|PPLS|磷蝦油|網站排名|蜂王漿||保健食品|SEO|葉黃素|關鍵字排名|

發表迴響

你的電子郵件位址並不會被公開。 必要欄位標記為 *