致富智庫:想成功?先擺脫呢8個惡習!

致富智庫:想成功?先擺脫呢8個惡習! 2017年12月21日 11:17Tweet 東網電視更多新聞短片 俗語有云「心態決定命運」,成敗得失總有因,怎樣做到「勝不驕敗不餒」,背後是有一套心法。以下有8個惡習,是失敗者常犯的,不妨參考一下,如果發現自己亦有這些惡習,就要及早醒悟,並作出改變,方是成功之道。【1、自我懷疑】「股神」巴菲特講過:「我一直相信我會變得富有,連一分鐘都沒有懷疑過。」當你連自己都唔信自己得嘅話,你就一定唔會成功。記住,唔好成為自己嘅敵人。【2、衝動】不少從事財務工作多年的從業員,都會發現唔少人因為一時衝動,將數十年積蓄亂投資。想成功,就要學會在憤怒、悲傷或沮喪嘅時候,擺脫呢啲負面情緒,等回復冷靜後,才做決定。【3、等運到】已故的蘋果公司創辦人喬布斯曾講過:「信心必須來自自己,外界鼓勵可以幫助你,但最後都必須由自己主動建立。」除了自己,冇人可以不斷支持你,要培養積極嘅想法才可以不斷向前。如果冇機會,就自己創造,唔好等運到。【4、一心多用】美國加州大學柏克萊分校研究發現,平均來說,辦公室工作人員每隔11分鐘就會中斷工作,再重新進入高效狀態需要25分鐘。緊記人的注意力同意志力有限,同時做幾樣嘢會降低效率,浪費好多時間。你要去除雜念,只將注意力放在最重要的目標上面,做完一樣先再做另一樣。【5、取悅他人】好多人一生人就係不斷咁取悅他人,為了別人而活,但係你又有冇諗過自己想要啲咩?人生嘅目的應該是要令自己開心,而唔喺怕人哋唔開心,要為自己而活,為自己想要嘅嘢奮鬥!【6、責怪遊戲本身】多年來位居全球首富的微軟創辦人蓋茨講過:「如果你失敗,不是你父母的錯,請不要抱怨。」首先你要明白呢個世界點樣運作,絕對嘅公平根本唔存在,社會亦都係弱肉強食,從今日起,先唔好抱怨,既然你依家冇能力去改變世界,就先跟從遊戲規則,成為贏家後,再慢慢去改變規則。記住,社會唔係因為你幾句抱怨而改變!【7、與壞人作伴】著名脱口秀主持人奥普拉講過:「我只把自己圍在值得學習的人身邊。」要識得揀朋友,所謂物以類聚、人以群分,你身邊嘅朋友某程度上反映你係點樣嘅人。所以,如果你想成功,請你多啲同樂觀積極、目標導向、希望成功嘅人為伍。【8、放棄】世界拳王阿里講過:「不要放棄,現在受苦然後以冠軍身分度過在餘生。」唔好放棄先會成功雖然係人都知,但又有幾多人做到?撫心自問,你年頭為自己設下嘅目標,又有幾多個可以實現?相信大家心中有數。好多人失敗嘅原因都係冇恒心同毅力去不斷重複練習。下次試吓設一個比較容易嘅目標畀自己,完成佢,慢慢累積成就感先!------「致富智庫」領悟理財/職場智慧,一Click改變一世http://money18.on.cc/wealth 「東網Money18」全新功能「貼市貼士」,助你掌握投資先機http://bit.ly/2sLtGDm

分享更多閱讀請至以下|蜂王漿||磷蝦油|健康食品|明亮寶|保健食品|PPLS||智勝王|婦貴寶|關鍵字排名|蜂王乳|葉黃素||GOOGLE排名|網站排名|SEO

發表迴響

你的電子郵件位址並不會被公開。 必要欄位標記為 *