香港羽賽 惜敗有火林丹 家朗:同佢有得打

香港羽賽 惜敗有火林丹 家朗:同佢有得打 2017年11月23日 20:55Tweet 東網電視更多新聞短片 香港羽毛球公開賽2017打得如火如荼,「香港一哥」伍家朗衞冕失敗,於16強鬥「超級丹」林丹,雖然先取一盤,但之後被林丹連下兩城反勝,遺憾出局。賽後家朗於失望中找到希望,認為自己再過兩至三年,或可提升到目前林丹的級數。他深信自己和林丹「有得打」,但於技術、級數上能否大躍進,就要看自己未來造化。賽後家朗指今仗每一分都攞得好辛苦:「最後幾分唔夠佢果斷,仲畀佢捉到我唔敢打高波嘅心理,一打過去就畀佢搶得好快。同兩年前唔同,今次感覺到佢有戰意好多,睇到佢好有火,而自己比起兩年前嘅學習心態,今次亦好想用100%實力同佢打,我覺得自己同佢有得打。」雖然未能於主場衞冕男單,但現時世界排名第9的家朗仍有得着,感受到自己與34歲之齡仍高鋸第5位的林丹還有差距:「失望在所難免,之後惟有在觀眾席睇波,呢場波打得好開心、好爽。今場波仲學到點處理關鍵分,我比起佢未夠老練,要到佢哋個level,或者仲有兩、三年時間,要透過比賽累積經驗,同埋睇吓自己造化,感覺上同佢哋唔係差好多,但係呢一步就好難跨過。」自言今季起伏大的家朗,有望第二次參加年終賽,他希望突破去年小組出局的成績,殺入4強。至於林丹就讚揚家朗比兩年前更自信,認為由於家朗的世界排名不斷往前,所以愈打愈有信心亦很正常。不過當有傳媒問到他對家朗應如何改進,超級丹卻未有正面回應,並指:「那要去問他的教練。」東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|力雪達|地龍粉|智勝王|南極冰洋磷蝦油|膠骨力|芙婷寶|血栓溶解酵素|葉黃素|膠股力|PPLS|青春元素|保健食品|蜂王乳|蚯蚓粉|健康食品|蝦青素|地龍酵素|磷蝦油|超視王|蜂王漿|蝦紅素

發表迴響

你的電子郵件位址並不會被公開。 必要欄位標記為 *