最強TIE Fighter 出自奧迪?

最強TIE Fighter 出自奧迪? 2017年11月23日 13:30Tweet 東網電視更多新聞短片 TIE X咁有型,迪士尼係唔係應該搵Jason幫手,話唔定EP IX或是之後嘅星戰作品,終於見到TIE X上陣呢! 要數星戰世界中最出名嘅戰鬥機,反抗軍有X-Wing,帝國軍有TIE Fighter,考考你,喺整個TIE Fighter族譜之中,邊款型號最好打?TIE Interceptor、TIE Reaper、Darth Vader於EP IV駕駛嘅TIE Advanced x1,還是Kylo Ren喺EP VIII專用嘅TIE/VN?原來最型、最勁嘅TIE Fighter,或者唔係嚟自未來嘅帝國軍,而係現實世界中嘅一位車廠設計師Jason Battersby。話說現時喺奧迪(Audi)任職設計師,作品包括Poltrona Frau Luft、Audi e-bike與Audi premium luggage concept嘅Jason,嚟自加拿大,喺瑞典修讀設計,依家就喺慕尼黑嘅奧迪總部工作。佢本身係一位星戰迷、科幻迷兼機械迷,閒時會二次創作星戰武器,最新作品就有TIE X;喺Jason嘅構思之中,TIE X屬於Darth Vader嘅專屬部隊使用,機身以黑色為主,駕駛艙會透出紅光,似足Darth Vader嘅代表顏色,而戰鬥力當然勁過晒其他TIE Fighter型號,不過數量相當少,喺EP IV Death Star瀕臨爆炸之際及時飛走、唔使陪葬,之後有冇機會發威?Jason未有提到喎。講番機械設計本身,做到傳統與創新並重,TIE Fighter系列嘅中央球形駕駛艙,喺Jason筆下得到保留,而兩邊機翼亦都照舊豎起,不過再唔係主流TIE Fighter咁樣打直晒,亦唔係TIE Advanced x1咁款上下位置向內彎,而係打斜向外伸延,直視嘅話,有啲似將X-Wing嘅機翼移植過嚟;打側睇嘅話,就會發現機翼變成箭嘴形,令整個戰機輪廓充滿速度感,而且機翼表面布滿黑色嘅網孔,令人聯想到超跑嘅碳纖車身與進氣口,喺車廠工作嘅Jason,將老本行帶入星戰設計之中,好正常啫!另一方面,機翼與駕駛艙之間嘅連接部分唔再係瘦弱嘅支架,改成盤形之餘,表面又設計成超跑般嘅大斜背,再留意中間嘅機械細節,亦似足超跑中置引擎艙嘅布局,只係剔除咗透明引擎罩,就連機身尾部嘅推進器排列都學足超跑咁款,如果佢同千歲鷹(Millennium Falcon)鬥快嘅話,後者仲可唔可以保住「銀河系最快」嘅金漆招牌?想欣賞多啲Jason作品嘅科幻迷,可以去佢嘅專屬網頁(https://jasonbattersby.myportfolio.com )瀏覽,多多支持!

分享更多閱讀請至以下|智勝王|南極冰洋磷蝦油|地龍粉|超視王|蚯蚓粉|蝦青素|地龍酵素|蜂王漿|蝦紅素|健康食品|青春元素|PPLS|力雪達|保健食品|膠骨力|膠股力|磷蝦油|葉黃素|芙婷寶|血栓溶解酵素|蜂王乳

發表迴響

你的電子郵件位址並不會被公開。 必要欄位標記為 *