【有片】敵人送暖攬到實 保方除褲益球迷

【有片】敵人送暖攬到實 保方除褲益球迷 2017年11月23日 18:43Tweet 東網電視更多新聞短片 (法新社圖片) 即上英超刨績王:http://win.on.cc/epl 於球壇中,唔少球星取得豐功偉績,但係咪每個都咁受球迷,甚至對手敬重?答案當然並不盡然。其中意大利、祖雲達斯殿堂級巨星保方,就係其中一個,全球都咁錫佢嘅星中之星。周三深夜歐聯分組賽祖雲達斯主場對巴塞隆拿,剛受無緣世界盃之痛嘅保方,得到全場包括對手、球迷支持,熱情嘅保方除勁攬拿傑迪錫、蘇亞雷斯同達史特根外,完場後仲反傳統除波褲送畀球迷,齋着底褲向Fans拍手致敬。意大利於世盃外附加賽慘遭瑞典淘汰,令保方未能第6次踢世界盃決賽周,唔單只令呢名偉大門將非常傷心,全球球員、球迷都覺得極為可惜。今仗歐聯鬥巴塞隆拿,對手克羅地亞中場拿傑迪錫,就話希望將自己踢世界盃嘅權利交予保方,可見保方於球壇崇高地位。經歷極度傷痛後,保方於上仗意甲對森多利亞並無上陣,斑馬兵團亦意外以2:3落敗。到今場歐聯大戰,祖雲達斯如果輸波,出線將現暗湧,保方當然要復出助陣。保方領導嘅防線滴水不漏,全場巴塞只射中龍1次,最終雙方打成0:0完場。老婦人取得1分後,以1分力壓士砵亭排小組第2,最後1輪如擊敗奧林比亞高斯,就可以打入16強。巴塞雖然粒粒皆星,但好多球員對住保方都變番小球迷,保方今場就同拿傑迪錫、蘇亞雷斯及達史特根深情喪攬,接受對方嘅支持。而面對熱情嘅球迷,保方亦好感動,賽後佢決定除下波褲送畀球迷。好多球星會選擇送波衫,但保方就送波褲,呢種球場性感唔係個個球員Carry得到,但呢個保方,於球場上佢可以話做咩都咁Charm。保方已預告今季係佢最後球季,大家真係要把握機會,多睇呢位活傳奇嘅球場風采。東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|蚯蚓粉|磷蝦油|膠骨力|力雪達|地龍酵素|PPLS|蜂王乳|保健食品|蝦紅素|膠股力|地龍粉|超視王|青春元素|血栓溶解酵素|芙婷寶|蜂王漿|健康食品|南極冰洋磷蝦油|智勝王|葉黃素|蝦青素

發表迴響

你的電子郵件位址並不會被公開。 必要欄位標記為 *