轉新Look洗衰氣?舒拉寶娃涉行騙被控

轉新Look洗衰氣?舒拉寶娃涉行騙被控 2017年11月21日 18:07Tweet 東網電視更多新聞短片 咩話?俄羅斯網球天后舒拉寶娃涉行騙被控呀!話說有位印度律師派殊星向傳媒爆料,話呢位5次女網大滿貫得主涉嫌因為參與一個印度樓盤騙案,最終呢個樓盤項目呃咗成班買家每人數以百萬計美元後,但就爛尾起唔成,因而令「舒娃」被控。據知,印度警方家陣已經初步向有關發展商Homestead Infrastructure Development提出起訴,而身為嗰個樓盤代言人嘅「舒娃」,亦會係被告之一。唔知係咪覺得衰氣纏身,「舒娃」日前同老友飯局開P,都換個新Look出現,仲擺埋相上社交網,嚇Fans一跳呀!講番個樓盤騙案,根據資料,原來30歲嘅「舒娃」,喺2012年曾經去到印度參與宣布一個新樓盤計劃,「舒娃」仲幫個樓盤命名做Ballet,而發展商則向一眾潛在買家宣傳話,樓盤會包含一個網球學院、會所同直昇機停機坪,總之係應有盡有,超高質素啦!仲有,喺個樓盤網站仲引述「舒娃」嘅展望:「要令業主們感到所擁有的是與別不同!」負責代表其中一位樓盤買家提出起訴嘅律師派殊星話,呢個位處印度新德里衞星城市古爾岡嘅新樓盤,原定係喺2016年完工,點知發展商喺收到買家幾百萬美元之後就玩失蹤,令建築工程被逼中途暫停。派殊星認為「舒娃」要負起部份責任:「其實當任何名人幫任何產品代言,佢就已經係該公司代理人之一。始終個樓盤如果唔係涉及舒拉寶娃個名,真係搵鬼買咩!」據知,有關案件將會喺新德里法庭開審,而印度警方暫時就未有作出回應,至於相關發展商同「舒娃」都係唔肯作出任何評論,各位花生友唯有繼續密切留意最新消息啦!東網體育同你追實體壇每個精彩時刻! https://goo.gl/ewVpvE 

分享更多閱讀請至以下|蝦紅素|蜂王漿|地龍酵素|蝦青素|蜂王乳|超視王|地龍粉|智勝王|血栓溶解酵素|葉黃素|保健食品|力雪達|青春元素|芙婷寶|膠骨力|PPLS|南極冰洋磷蝦油|健康食品|蚯蚓粉|膠股力|磷蝦油

發表迴響

你的電子郵件位址並不會被公開。 必要欄位標記為 *