世界盃 征戰廿載 鐵血保方仲有火

世界盃 征戰廿載 鐵血保方仲有火 2017年11月08日 01:55Tweet 東網電視更多新聞短片 即上英超刨績王:http://win.on.cc/epl 又回到最初的起點,記憶中你青澀的臉,保方要赴世界盃最後的約!世界盃外圍賽附加賽將於周五凌晨開打,亦成為一批老將爭取國際賽大舞台綻放餘暉最後機會,當中意大利39歲鋼門保方20年前首次為國家隊上陣,咁啱都係世盃外附加賽;來到球員生涯尾聲,保方不忘初心,再次喺危急關頭站出來,守護意軍大門,希望搭上出線尾班車,為自己第6次出戰決賽周刻下新里程碑。19歲展開國家隊鋼門傳奇意大利對上1次踢世界盃附加賽係1997年,當年10月29日首回合作客冰天雪地嘅俄羅斯,意軍門將柏魯加踢到31分鐘受傷退下火線,由年僅19歲零9個月嘅保方入替,令佢成為二次世界大戰後,意大利國家隊最年輕上陣門將,最終協助球隊進身1998年決賽周,從此展開傳奇歲月。相隔20年,保方已為意大利上陣173次,屬球隊歷史之冠,並捧過2006世界盃冠軍,但佢對於參加呢項球壇盛事,熱情從未退減:「20年前,夢想由此開始,現時仍然未結束,我要多謝所有人嘅支持,我哋要繼續追夢。」上月世盃外意大利主場對馬其頓,球隊破天荒安排保方着意大利傳統主場藍色戰衣,一眾隊友則着上白色作客波衫,向呢位鋼門為國披甲20年致敬。附加賽鬥瑞典 有仇報仇「保方接班人」呢句說話,對好多意大利守門員嚟講「仲難聽過粗口」,因為過去多位「接班人」都係坐後備席睇保方表演,不過保方已講明踢完明年決賽周就會退出國家隊。由1970年開始,意大利每隔12年就會殺入世盃決賽,明年正係距離「藍血人」2006年捧盃12年,保方可唔可以助意軍闖入決賽周,再次喺決賽上陣,甚至重演1982年前輩索夫以40歲之齡捧起世盃嘅好戲,為國際賽生涯畫上完美句號呢?就要睇下喺今次附加賽能否淘汰宿敵瑞典;2004年歐國盃分組賽最後1輪,瑞典同丹麥疑似夾計打和2比2,將踢意大利出局,今次新仇舊恨一鋪清!出生日期:1978年1月28日(39歲)身高:1米91國籍:意大利球會:祖雲達斯國家隊上陣:173次國際賽主要榮譽:2006年世界盃冠軍2012年歐國盃亞軍2013洲際國家盃季軍黃昏戰士綻放餘暉同大賽無緣 奧沙要威番鋪愛爾蘭對上一次殺入世界盃決賽周係2002年,當年21歲嘅奧沙啱啱升上大國腳,並冇入選決賽周名單。但當呢位前曼聯球星逐步確立「大哥」地位,愛爾蘭卻數次同決賽周擦身而過,包括2010年世盃外歐洲區附加賽,被法國前鋒亨利「上帝之手」助攻打敗。嚟緊大戰丹麥嘅兩回合附加賽,將係36歲奧沙實現世界盃夢嘅最後機會。位置:中堅球會:新特蘭國家隊上陣:116次(入3球)袋鼠兵成敗 還看卡希爾卡希爾係澳洲足球史上最偉大球員,呢位前鋒代表國家隊上陣103次,取得50個入波係澳洲史上「士哥王」,雖然依家已經37歲,不過喺國家隊嘅影響力依然極高,包括上月世盃外亞洲區附加賽次回合對敍利亞包辦兩個關鍵入球。曾喺英超愛華頓效力8個球季嘅卡希爾,今季喺墨爾本城已開始淡出,但踢過3屆世界盃決賽周嘅佢,豐富大賽經驗仍然係澳洲最寶貴財產。毫無疑問,今次係卡希爾球員生涯最後一次衝擊世界盃決賽周,對洪都拉斯嘅兩回合賽事,對卡希爾嚟講就係提前舉行嘅世界盃決賽。出生日期:1981年4月30日(36歲)位置:前鋒球會:墨爾本城國家隊上陣:103次(入50球)莫迪歷唔甘心 要為克國省招牌「魔笛」莫迪歷貴為6屆克羅地亞足球先生,勢估唔到曾因為生得矮兼瘦弱嘅身形,一度被拒諸職業足球門外,好彩呢位喺國內戰火成長嘅中場大師,為生存而養成不屈不撓嘅鬥心,皇馬近4季3奪歐聯冠軍,佢絕對係無名英雄。不過,先後代表克羅地亞披甲101次、5度征戰大賽決賽周嘅莫迪歷,最好成績只係2008年歐國盃殺入8強,之前兩次打世盃都分組賽出局,上年歐國盃16強畀葡萄牙淘汰,佢更罕見地爆喊,顯然佢對未能為國取得佳績心有不甘,呢位克羅地亞隊長已經32歲,國際賽生涯臨近尾聲,附加賽能否擊退希臘,隨時係「魔笛」第3度參戰世盃嘅最後機會。出生日期:1979年12月6日(37歲)出生日期:1985年9月9日(32歲) 位置:中場球會:皇家馬德里國家隊上陣:101次(入11球)施巴斯坦拿臣 死球打江山瑞典多年嚟都係靠伊巴謙莫域單天保至尊,自從「呂布」退出國家隊後,瑞典終於面對現實進行換班,初步成效尚算唔錯,32歲副隊長施巴斯坦拿臣就係陣中僅餘嘅老大哥之一。呢位死球專家從來唔係焦點,但唔經唔覺已經94次代表國家隊,如果可以過埋意大利呢關,施巴斯坦拿臣有望挑戰100次代表國家隊嘅里程碑。出生日期:1985年6月6日(32歲)位置:中場球會:侯城國家隊上陣:94次(入6球)卡路爾不滅鬥志撐起北愛以往效力曼聯期間頻頻蝦碌嘅卡路爾,就算長年屈居後備都未諗過放棄踢波,直至2016年重返北愛加盟連菲特,終於有得打正選。雖然呢位40歲老將喺北愛國家隊都係後備,但呢位精神領袖人老心不老,希望繼前輩柏真寧斯之後,成為第2位以逾40歲高齡征戰世盃決賽周嘅北愛門神。出生日期:1977年9月30日(40歲)位置:門將球會:連菲特國家隊上陣:45次列治史迪拿 堅守瑞士防線嚟緊會同瑞士一齊衝擊世界盃決賽周嘅老將列治史迪拿,已經隨瑞士國家隊經歷過兩屆世界盃,仲帶領球隊闖入過2014年決賽周16強,可惜畀最終取得亞軍嘅阿根廷淘汰。列治史迪拿有冇得第3次踢決賽周,就要睇吓佢喺附加賽頂唔頂得住北愛爾蘭嘅進攻喇!出生日期:1984年1月16日(33歲)位置:後衞球會:祖雲達斯國家隊上陣:94(入8球) 東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|健康食品|青春元素|膠股力|膠骨力|芙婷寶|智勝王|蜂王漿|力雪達|PPLS|蜂王乳|地龍粉|南極冰洋磷蝦油|蝦青素|保健食品|磷蝦油|超視王|血栓溶解酵素|蝦紅素|葉黃素|蚯蚓粉|地龍酵素

發表迴響

你的電子郵件位址並不會被公開。 必要欄位標記為 *