英超 曼聯飲恨 寸王再陷作客魔咒

英超 曼聯飲恨 寸王再陷作客魔咒 2017年11月06日 02:25Tweet 東網電視更多新聞短片 (美聯社圖片) 即上英超刨績王:http://win.on.cc/epl 英超周日Super Sunday,曼聯迎來最差情況,死敵曼城擊敗阿仙奴,自己去到史丹福橋球場,卻以0:1不敵車路士。今場「車魔大戰」雙方踢得好肉緊,寸土必爭戰情緊湊,莫連奴今仗冇泊大巴,出齊盧卡古、拉舒福特同米希達利恩攻堅,但面對發揮理想嘅車仔無力破門,相反下半場一次走漏艾華路莫拉達,畀呢位西班牙前鋒一頭頂爆大門,最終飲恨全失3分。寸王自上季帶領紅魔後,作客面對前六球隊1場不勝,只得3和5負劣績。車仔今仗有主場之利,當然比對手更加肉緊,可惜於開賽早段慘食詐胡,當時菲爾鍾斯撞咗個波入網,可惜球證判車仔犯規在先入波唔算。之後夏薩特一個超靚遠射,又過唔到迪基亞。比起之前作客利物浦,莫連奴今仗明顯冇咁保守,盧卡古有個靚埋門,但畀古圖爾斯救出,上半場互無紀錄。換邊後兩軍加快節奏,55分鐘艾斯派古達右路傳中,莫拉達中路走位頭槌頂入網仔,車仔憑呢個超靚入球打開紀錄。之後寸王換入費蘭尼、馬迪爾及連格加強攻力,於球賽尾攻勢浪接浪,福仔勁射柱邊出界,爆炸頭於禁區轉身近射又過唔到高圖爾斯,福仔完場前罰球又省到人高出,紅魔力戰輸0:1。賽後紅魔11戰積23分,已被榜首曼城拋離8分。寸王於上季帶領曼聯後,於英超及英足盃作客3次鬥車路士全部輸晒,如果計前六球隊,曼聯造訪車仔、曼城、阿仙奴、利物浦及熱刺都未贏過,連埋今場敗仗,僅得3和5負,認真濕滯。東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|葉黃素|蜂王乳|蚯蚓粉|膠股力|PPLS|健康食品|蝦青素|血栓溶解酵素|地龍粉|青春元素|磷蝦油|力雪達|蝦紅素|智勝王|膠骨力|超視王|蜂王漿|芙婷寶|南極冰洋磷蝦油|地龍酵素|保健食品

發表迴響

你的電子郵件位址並不會被公開。 必要欄位標記為 *