香港羽賽 超強戲碼!衞冕伍家朗想挑戰林丹

香港羽賽 超強戲碼!衞冕伍家朗想挑戰林丹 2017年11月02日 16:18Tweet 東網電視更多新聞短片 「YONEX-SUNRISE 2017 香港公開羽毛球錦標賽」將於今個月21至26日於紅磡體育館舉行,今年總參加人數高達291人,當中包括多位星級球手,世界「一哥」安賽龍及「一姐」戴姿穎、中國球手林丹及諶龍,以及馬來西亞拿督李宗偉都會參賽,爭逐高達40萬美元(約312萬港元)的總獎金。港隊去年獲得1金3銅,今年繼續派出33名球手出賽,前港隊總教練陳智才更在記招上分析各項比賽形勢,他形容每項賽事都「七國咁亂」,而眾球手都落足心機「聽書」,場面搞笑。力爭衞冕男單的香港「一哥」伍家朗,自然成為今屆賽事焦點,他揚言希望再創奇跡:「我盡量唔諗自己係衞冕,因為過咗去就過咗去,不過希望再創造一次奇跡出嚟啦!當然想攞好成績,不過對手及戲碼都比上年更強,所以我唔會抱住一個非贏不可嘅心態。」若然家朗於男單首輪晉級,16強大有機會要迎戰林丹,曾被稱為「林丹殺手」的他亦期望兩人再交手:「自從兩年前香港對過佢,之後都無同佢打過,想睇下自己兩年有咩轉變進步,希望再贏一次。」家朗早前在南韓、日本及丹麥羽賽都在首兩圈出局,日前打入法國羽賽8強已是近來最好成績,他透露原因:「8月時教咗我近3年幾嘅教練欒勁離開咗香港隊,呢3年我嘅成長同佢有好大關係,所以令我有啲不知所措同失去方向,影響發揮。走之前我同佢講,有機會嘅話佢帶住球員,第時我哋再喺場上碰頭,相信會幾有趣!」離香港公開賽還有兩站賽事,家朗希望盡快調整心態,在中國羽賽中確保參加年終賽的資格:「依家我排名第5,如果我中國站打入次輪,資格應該會穩陣,咁我喺香港站會打得更放。不過中國羽賽首輪就對印尼球手根廷,佢剛獲得南韓公開賽冠軍,而且分數同我好貼,所以嗰場比賽最重要。」港隊男單仍有黃永棋、李卓耀、胡贇及魏楠等球手參戰,即將於下周日(5日)結婚的黃永棋,就揚言婚事為他帶來動力及好運,希望可打入年終賽及於未來兩站超級賽中有平穩發揮。今年5項賽事外圍賽及混雙正賽將於11月21日舉行,當日門票將免費派發,其餘日子的門票周五(3日)早上10時起公開發售,票價由40至680元不等,詳情可到 www.hkopenbadminton.org 查詢。同時香港羽毛球總會亦宣布,已獲得2018-2021年世界巡迴賽主辦權,意味未來4年香港公開賽有望繼續上演。東網體育同你追實體壇每個精彩時刻!http://bit.ly/2ecTF2A

分享更多閱讀請至以下|智勝王|青春元素|芙婷寶|蜂王乳|膠骨力|蝦紅素|地龍酵素|蝦青素|葉黃素|血栓溶解酵素|保健食品|健康食品|膠股力|南極冰洋磷蝦油|超視王|PPLS|蜂王漿|磷蝦油|地龍粉|力雪達|蚯蚓粉

發表迴響

你的電子郵件位址並不會被公開。 必要欄位標記為 *