西甲 皇馬反敗落後8分 數據顯示衞冕失敗

西甲 皇馬反敗落後8分 數據顯示衞冕失敗 2017年10月30日 01:02Tweet 東網電視更多新聞短片 (美聯社圖片、Getty Images) 即上英超刨績王:http://win.on.cc/epl 基羅納爆出驚天大冷門,西甲主場反勝皇馬2:1,搞到銀河艦隊落後死敵巴塞8分。皇馬教練施丹同王牌C朗,剛於金球獎威到盡,點知返到西甲即刻老貓燒鬚,其中C朗今仗冇晒影,本季6場聯賽入得1球曳到震,仲要粗暴侵犯對手,分分鐘又要坐超長波監。皇馬於西甲歷史上,從未試過落後8分下,可以後上奪取西甲冠軍;如果只計呢個數據,皇馬已經宣布衞冕失敗。【有片】低處未算低 C朗粗野撳頭有手尾跟:http://bit.ly/2iH3Ukh 今仗施丹派出強陣作客加泰羅尼亞球隊基羅納,皇馬一向對升班球隊極有辦法,上次於聯賽不敵升班球隊,已經係2008年嘅事,另外皇馬近13場西甲作客全勝,今戰可謂志在必得,點知竟然反勝為敗。皇馬於上半場已經冇乜甜頭,曾被鬥志旺盛嘅對手兩次射中門柱,但仍憑艾斯高嘅近門執雞,上半場領先主隊1:0。華拉尼因為受傷關係,半場被施丹換走,令皇馬後防不穩,於5分鐘內連失2球。54分鐘,頂替華拉尼嘅拿祖費南迪斯,被史杜安尼玩謝射成1:1,到58分鐘基羅納再入1球,中場樸圖於門前瀟灑後腳射入,反先2:1。之後皇馬瘋狂反撲,但C朗靜到爆冇乜威脅,隊長沙治奧拉莫斯頻頻助攻都救唔番球隊,最終皇馬爆大冷輸波,本季10場聯賽僅得20分,已落後榜首巴塞8分。皇馬本季表現不濟,令球隊爭標機會極微,而從過往數據顯示,皇馬從未試過落後8分下翻盤成功奪標。睇埋施丹賽後點講:【西甲 8分冇問題 施丹:巴塞會失分】http://bit.ly/2yWW7mC 東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|蝦紅素|蜂王漿|膠骨力|保健食品|地龍酵素|蚯蚓粉|南極寶|健康食品|PPLS|磷蝦油|智勝王|地龍粉|力雪達|芙婷寶|膠股力|蜂王乳|血栓溶解酵素|青春元素|蝦青素

發表迴響

你的電子郵件位址並不會被公開。 必要欄位標記為 *