波仔累死人 潮韋炒牛又有紀錄!?

波仔累死人 潮韋炒牛又有紀錄!? 2017年10月29日 14:45Tweet 東網電視更多新聞短片 NBA開季冇耐,雷霆嘅韋斯布克即刻又寫下新紀錄。呢位上季常規賽MVP,周六作客公牛以12分、13個籃板同13次助攻,造出今季第2次三雙,助雷霆以101:69大炒公牛,仲成為聯盟首名喺29隊身上都攞到Triple-doubles嘅球員。潮韋上季破咗名宿「大O」奧斯卡羅拔臣,單季最多三雙紀錄之後,原來仲有一個紀錄未達成,就係對聯盟29隊對手,都造出三雙,剩低一隊嘅正正就係周日對手公牛。公牛今仗表現一蹋糊塗,雷霆打完3節已經領先29分,韋少只係上陣28分鐘,但已經夠晒時間造出三雙完成又一個紀錄。賽後韋斯布克自稱唔知自己又有新紀錄,只係想幫球隊爭勝:「我剩係想贏波,勝負係我睇得最重嘅地方。」新隊友保羅佐治今仗有20分進賬,賽後大讚潮韋9成入到名人堂,睇嚟潮韋遲早變「韋神」喎!至於褪色勁旅湖人同日作客爵士,主隊憑新季後衞當諾雲米曹攻入22分,包括第3節一次靚爆補樽,以96:81大炒紫金軍團。湖人新季波爾今仗繼續冇料到,全場10射3中,只得9分、4次助攻,仲有5次失誤添!波仔表現「雷聲大雨點小」,愈睇愈似名過其實,今仗賽後自責球隊追緊嘅時候,自己兩次錯誤嘅決定搞到湖人輸波。其實波仔唔使認錯,要認錯嘅應該係選秀揀你嘅魔術手莊遜,同埋畀你落場嘅教頭禾頓!周日賽果塘鵝 123:101 騎士熱火 90:96 塞爾特人公牛 69:101 雷霆灰熊 103:89 火箭小牛 110:112 76人爵士 96:81 湖人拓荒者 114:107 太陽快艇 87:95 活塞東網體育同你追實體壇每個精彩時刻!http://bit.ly/2ecTF2A

分享更多閱讀請至以下|南極寶|智勝王|磷蝦油|地龍粉|力雪達|保健食品|芙婷寶|健康食品|血栓溶解酵素|蝦青素|蜂王乳|PPLS|青春元素|地龍酵素|蚯蚓粉|蝦紅素|膠股力|蜂王漿|膠骨力

發表迴響

你的電子郵件位址並不會被公開。 必要欄位標記為 *