孖妹S檔案:閱文嚟喇!解構抽新股4招「贏盡」

孖妹S檔案:閱文嚟喇!解構抽新股4招「贏盡」 2017年10月29日 15:07Tweet 東網電視更多新聞短片 提提你哋,周二(10月31日)萬聖節金多寶攪珠啦,頭獎最少5,000萬!不過,姊妹們都係發少啲白日夢啦,聽講中六合彩頭獎嘅機會率超過1千萬分之一。若想中個細獎,不如諗吓抽隻優質新股,機會率高好多。最近上市嘅新股眾安在綫(06060)同閱文集團(00772)都有好多捧場客,閱文更勢成今年凍資王。唔通新股就係寶,抽中就冇得輸?做慣小偵探嘅孖妹,一於決定研究吓新股究竟有幾筍,又點樣可以增加中獎機會。─ ─ ─ ─ ─ ─林:國農證券董事總經理 林家亨許:耀才證券行政總裁 許繹彬陳:輝立証券(香港)經理 陳英傑禤:散戶 禤生─ ─ ─ ─ ─ ─彩兒:證券行好少可咁熱鬧,啲人排隊做咩?Kitty:呢個情景似曾相識,記唔記得我哋之前潛入去新盤展銷廳,打晒蛇餅抽籤揀樓?彩兒:你睇,有啲仲係一家大細過嚟,可能嚟抽獎啩。許:冇錯,佢哋就係嚟「抽獎」,抽新股啊!彩兒:新股唔係一人一手嘅咩?使乜抽?許:當然唔係喇,如果多人爭,係會分唔勻。彩兒:唉!抽新股同買新樓一樣,要有錢仲要有運氣。股份嘅分配基準視乎有效認購新股申請數目而定。若超額認購,新上市公司就要運用回撥機制,從配售部分調配股份去公眾認購部分,但未必做到一人一手。【1、孖展及人海戰術助中籤】許:所以唔少散戶先要用孖展,放大槓桿,增加中籤機會同獲分配嘅手數。我哋間行就提供高達95%孖展,孖展息率更低至1%。許:見閱文咁受歡迎,我哋仲加大咗孖展認購額至400億元。另外,頂頭槌飛暫已預留接近30張。彩兒:但係用孖展會唔會太進取?輸到入心入肺?林:你講得啱!但透過公開發售用孖展抽新股,已比國際配售投資者用孖展抽嘅投資風險低,因為媒體會不斷更新推算公開發售嘅超額認購倍數,一般最終倍數亦同推算嘅唔會好大落差,所以用孖展抽新股風險有限。林:相反,喺國際配售市場,資訊就冇咁透明,機構投資者或專業炒家亦可以隨時「抽飛」,所以國際配售嘅認購倍數隨時有變,令佢哋大失預算。彩兒:我明!飽仲要夾硬食,係會嘔。Kitty:我資金有限,咪只可以等食穀種?許:未必。用人海戰術,借助屋企人嘅配額抽,亦會易啲中,一家大細嚟分行開戶正因為咁。禤:嘻嘻!我將自己大部分多餘錢都攞晒出嚟抽閱文,仲叫埋全家齊齊抽,希望中多幾手喇。【2、旺市利股價 閱文勝算高】彩兒:點解你咁大膽買重閱文?禤:閱文呢啲優質新股,投資風險比較低。雖然預計佢冇騰訊控股(00700)咁勁,如果騰訊有八隻爪,閱文就應該得一隻爪,但身為騰訊嘅初生嬰兒,前途應該都唔錯,見騰訊股價自上市以嚟飆咁多,閱文股價都應該有強大上升動力啩,我打算長揸。彩兒:點解選擇大注抽新股,而唔喺二手市場搵靚貨?禤:恒指企喺28,000點,其實都幾高,我驚之後會跌,所以最近都冇加冇減港股,轉抽新股好過。陳:個市旺係有利新股。一般如果新股超購多過一百倍,股價都會好快飆高。彩兒:嘩!聽你講完,見到證券行咁墟冚,原來唔係單單羊群心理咁簡單。Kitty:有冇啲歷史可以分享吓,新股市場喺繁榮盛世同滿目瘡痍時嘅分別?彩兒:呢樣我知!2003年就係個好例子。2003年正值沙士,香港經濟雪上加霜,但到下半年,隨着疫情消退,加上內地人士獲准以「個人遊」方式來港旅遊,經濟明顯反彈。下半年亦帶動港股向上,令恒生指數全年升35%,12月15日觸及12,740點年內最高位。當第4季市況好咗,集資額多咗,亦見多番新股上市。Kitty:2015年就係港股大時代,恒指曾觸及28,588點高位,新上市公司數目係咪特別多?彩兒:2014及2015年,港股轉強,集資額分別飆高至9,290億及10,940億元;新上市公司數目特別多,分別有96及90間。事實上,由1986至2016年,恒指普遍向上,港股每年集資額都有上升趨勢。【3、基本面佳值博 淡市照賺】Kitty:咁講,淡市係咪要棄抽新股?林:未必!市淡,人棄我取,有時都係聰明決定。始終炒新股亦要分析股份基本因素。好似2005年東風集團股份(00489)上市,冇咩人抽,超購唔足一倍,因為中國去產能,市場睇淡汽車股,但我又唔覺得去產能對汽車股咁負面,最後我抽咗唔少添。(暗爽)東風定價1.6元,首日上市收報1.74元,升8.75%。許:冇話旺市抽新股先賺得多,喺淡市都唔難有一兩成嘅利潤。況且市旺,認購人多咗,定價就貼上限定價;相反,市淡就貼下限定價。陳:我都見過公司因市況差,被迫擱置上市計劃,但其實有啲都係優質股。許:值唔值得抽,睇隻新股嘅背景、盈利增長及業務概念。彩兒:閱文近排咁Hit,實力如何?林:佢搞緊網上閱讀平台,走在潮流尖端。20年前啲人去書局買書,依家就興喺網上睇書,所以佢屬開荒牛,會飲到頭啖湯。另相信中國投資者亦有興趣投資閱文。林:再者就係名牌效應,母公司係騰訊,可以分享母公司過億用戶群。不過,呢個行業門檻唔高,隨時有好多競爭對手攤分個餅,惟有拭目以待。彩兒:一般新股可以揸幾耐?林:如果公司前景好,業務持續增長,不妨揸耐啲。騰訊2004年上市,如果揸到依家都未放,就會發咗,因為股價升咗幾百倍。【4、抽唔夠 暗盤交易幫到手】彩兒:我知耀才同輝立都有暗盤交易,用暗盤有咩好?陳:暗盤交易時段係新股正式上市日前一個營業日下午4時15分至6時30分開放。暗盤交易剔除隔夜風險,同時如果自己抽唔夠貨,就可以喺暗盤買多啲。記住暗盤交易要有貨先沽得,零售或機構投資者亦可以參與。林:如果暗盤價低過我預期聽日嘅開市價,咁我都會喺暗盤買。林:要衡量自己嘅風險承受能力,亦唔建議瞓身!最多擺兩成資金玩新股好喇。陳:呢排興科網股,你可以留意吓。眾安超額認購,亦帶起咗個氣氛。Kitty:由2013年至今,資訊科技業平均市盈率維持逾30倍,持續拋離所有股份逾10倍之平均市盈率。─ ─ ─ ─ ─ ─《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!遊戲下載: https://goo.gl/7JP2hm

分享更多閱讀請至以下|地龍酵素|青春元素|蚯蚓粉|芙婷寶|地龍粉|PPLS|膠骨力|蜂王乳|南極寶|智勝王|血栓溶解酵素|力雪達|磷蝦油|保健食品|蝦紅素|蜂王漿|健康食品|蝦青素|膠股力

發表迴響

你的電子郵件位址並不會被公開。 必要欄位標記為 *