政Whats噏:唐宮還原有獎攞 如殺人後救人

政Whats噏:唐宮還原有獎攞 如殺人後救人 2017年10月26日 17:08Tweet 東網電視更多新聞短片 唐英年僭建「唐宮」違規後還原重新設計,今日竟獲建築獎項。(設計圖片) 前政務司司長唐英年位於九龍塘約道嘅大宅僭建地下「唐宮」,喺2012年2月中、即2012年特首選舉投票前1個月曝光,「唐宮」內部設施極盡奢華,當時全城嘩然,地庫除咗酒窖同品酒室,仲有專業洗頭椅,另有私家游泳池,其池底設有玻璃等。事隔多年,原本僭建「唐宮」已還原並重新裝修設計,今日(26日)獲得香港建築師學會頒發「評審特別獎─會長獎狀」。其實,唐英年僭建「唐宮」違規後可以得獎,情況猶如「殺人後救人」,相當諷刺。約6年前唐英年辭任政務司司長,宣布參選2012年特首選舉,佢喺競選期間被揭發其位於九龍塘大宅有逾1000呎僭建地庫,猶如地下「唐宮」,備受批評,而佢喺特首選舉落敗後,亦喺2013年「補鑊」,向屋宇署申請採用自建磚牆方式密封僭建地庫,據報直至2015年間,「唐宮」終還原並重新裝修,單係以石屎填回僭建部分已需要1000萬港元,佢一家亦重新入伙。本來僭建「唐宮」已遠離傳媒視線,惟冥冥之中有注定,僭建「唐宮」今日再度成為政圈焦點。話說建築師學會公布16/17年度年獎,其中1個得獎作品名為「橋接房子」,項目嘅負責建築師為「施正建築師設計有限公司」同「區兆堅建築及工程設計顧問有限公司」,再翻查資料更發現,原來呢個得獎作品正係位於九龍塘約道5A及7號,呢個地點就係當年僭建地下「唐宮」嘅所在地。唐英年曾向傳媒透露,今次裝修起咗條有蓋天橋連接兩屋,天橋入面仲有冷氣添,一般相信,呢個就係今次得獎作品「橋接房子」名稱嘅由來嘞!唐英年喺5年半年前選輸特首,今日竟然「翻身」有安慰獎,之不過建築師學會公布年獎嘅記者會,唔見唐英年捧場,只有負責「唐宮」新設計嘅2名建築師合夥人現身,佢哋透露涉及僭建嘅地庫係用輕石屎填平,因此結構冇影響,再三強調依家單位設計完全合法。東網今日亦到過現場視察,由於依家「唐宮」嘅牆身甚高,因此難以窺探大宅內嘅最新情況。其實唐英年自從失落特首寶座後,本來都沉寂咗一段時間,惟近期又似有重新活躍迹象,除咗今次僭建「唐宮」還原後重新設計有獎攞,情況猶如「殺人後救人」般諷刺,及至最近,唐英年又獲政府「翻叮」為西九管理局董事局主席,究竟唐英年再次活躍政圈是福是禍?時間將會證明一切。

分享更多閱讀請至以下|PPLS|蝦青素|蝦紅素|青春元素|蚯蚓粉|蜂王乳|力雪達|膠股力|南極寶|保健食品|地龍粉|磷蝦油|蜂王漿|地龍酵素|智勝王|健康食品|膠骨力|芙婷寶|血栓溶解酵素

發表迴響

你的電子郵件位址並不會被公開。 必要欄位標記為 *