基沙文御用 波Boot都放閃

基沙文御用 波Boot都放閃 2017年10月26日 13:00Tweet 東網電視更多新聞短片 呢對放閃版嘅PUMA ONE特別版,由鞋面到鞋底配色都貴氣過人! 作為超級球迷,唔只緊張偶像/愛隊嘅表現,甚至連佢哋嘅花邊新聞都唔放過,球星放閃嘅新聞,相信你都睇唔少,今期嘅放閃主角就有基沙文(Antoine Griezmann),不過另一主角並唔係佢嘅太太Erika Choperena,而係PUMA ONE Chrome。呢款由基沙文作為首席用家嘅特別版波Boot,唔只破天荒整個鞋面都用上銀灰色設計,最誇張係成個鞋底都有「電鍍銀」鏡面處理,唔只貴氣,直頭有少少浮誇,坦白講,屎波嘅話,真係Carry唔起,但係如果閣下自問腳法有番咁上下,踢風好又扭得鬼馬,甚至有啲似基沙文嘅話,又何妨Show Off?PUMA ONE Chrome唔只玩形象包裝,功能上都充滿內涵,鞋身用咗兩層主結構,內層係evoKNIT襪套,感覺似着襪多過着鞋,分外貼腳,事關evoKNIT本身係織物結構,比起傳統皮革或合成物料為輕,加上Pebax外底係一款韌度高,而且有明顯輕量化效果嘅材料,進一步提升用家喺起步、加速時嘅表現。不過要留意,為咗做出銀灰色嘅鞋身,PUMA ONE Chrome嘅鞋身外層由真皮變成合成物料,對於着慣真皮波Boot嘅用家而言,可能需要少少時間適應,不過好波嘅話,其實唔難。唔只PUMA ONE Chrome,evoPOWER Vigor 1亦都同步轉顏色,鞋身換上螢光黃,而鞋尾到鞋底改用海軍藍,呢種顏色仲延伸到鞋身內外兩側變成網紋圖案,加埋銀灰色嘅品牌標誌,大玩撞色效果。至於功能設計方面,老老實實只係維持原狀,以Spandex彈性纖維製成嘅襪筒式鞋身、鞋身表面PU立體泡棉、鞋底內藏GSP等等都一一保留,雖然新意欠奉,但係已經好夠用,尤其是喺提升射門與長傳嘅力度與準確度上,基奧特(Olivier Giroud)上個禮拜喺歐霸嘅妙射就係最新又最佳嘅示範啦!

分享更多閱讀請至以下|血栓溶解酵素|健康食品|膠股力|智勝王|磷蝦油|蚯蚓粉|南極寶|芙婷寶|地龍酵素|蝦青素|PPLS|保健食品|力雪達|膠骨力|蜂王漿|地龍粉|蝦紅素|青春元素|蜂王乳

發表迴響

你的電子郵件位址並不會被公開。 必要欄位標記為 *