【超實用】皮革服飾配飾保養Tips

【超實用】皮革服飾配飾保養Tips 2017年10月24日 14:28Tweet 東網電視更多新聞短片 保存皮革製品零舍麻煩,而家就醒多少保養皮革服飾及配飾貼士畀大家,等你秋冬可以「發吓皮氣」! 踏入初秋,大家又係時候準備為衣櫃轉季,相信好多讀者都有試過將啲收埋喺籠底嘅皮褸皮裙皮靴摷番出嚟時發現發霉、龜裂甚至變色,由於香港天氣長期潮濕,對於保存皮革製品係零舍麻煩,而家就醒多少保養皮革服飾及配飾貼士畀大家,等你秋冬可以「發吓皮氣」!【清潔發霉】眾多皮革製品當中,皮褸出事率通常最高,因為着上身時多少都會吸入身體出汗時所產生的濕氣,加上秋冬外套好多人慣咗着上好幾季先會清洗一次,積積埋埋咁多濕氣仲要放入籠底成年,點會唔發霉?如果發霉情況只係好輕微,可以用乾布抹去霉點,再掛於通風乾爽地方曬晾三數天,問題應該可以解決。但如果發霉情況較為嚴重,可以於坊間購買專用皮革清潔膏或以酒精代替進行清潔,但留意如果皮褸係屬於麖皮(Suede)或者磨沙皮(Nubuck)呢一類就唔建議採用,因為好大機會令皮革顏色變深。【對抗龜裂】除了發霉之外,皮革龜裂都係另一個令人好頭痛嘅問題,秋冬天氣乾燥你都識得幫自己搽Lotion,其實皮革製品同皮膚一樣需要護理,所以不少有推出皮革服飾或者配飾的品牌都有推出各種為皮革進行滋潤保護的皮革保護劑,當中最常見的是貂油(Mink Oil)或者馬脂油(Horse Oil),前者防污性更佳,而後者則較易被皮革吸收,還有一種牛腳油(Neatsfoot Oil)同樣對皮革有保護作用,如果用於原色植鞣皮革(Vegetable Tanned Leather)更會加速皮革顏色轉變速度,「養皮」想偷懶可以一試。同樣地,如果一時三刻無上述皮革保護劑喺手但又想幫件皮革製品「急救」,用平時搽身用的Body Lotion頂住檔其實都一樣有幫助,就算效果未必有皮革專用產品咁出色,但至少唔「傷皮」先,如果會「傷皮」你身上塊皮早就爛咗!【防水保護】水分向來都是皮革大敵,雖然秋冬較少落雨,但都要預防皮革製品被沾濕嘅機會,市面好多防水噴霧除咗可以用於波鞋之外,其實用於服飾、手袋甚至梳化其實都一樣得,而且防水噴霧大多數係於皮革表面形成薄膜提供保護,相對直接搽皮革保護劑令皮革顏色轉變機會較低(但絕唔係百分百唔會變色),因為好多人都試過為白色波鞋噴防水噴霧而令波鞋變黃,所以最好挑選專為皮革用品所推出的防水噴霧就最穩陣。【徹底轉色】如果唔好彩你嘅皮褸皮袋已經被發霉、污漬整到無可挽救,你仲可以出最後一招就係將皮革轉色,而呢啲咁高難度嘅工作當然要交畀專業人士做,基本上只要是皮革產品都可以做到轉色,但只可以由淺色變深色,如果唔捨得將心愛嘅皮褸皮具扔咗佢,徹底轉色翻新可以話係延長壽命嘅終極方法,價錢方面普遍都要接近千元先有交易, STYLUX、 洗之達人及卓峰於坊間都有相當高評價,有需要就自行同專業人士慢慢研究實際收費啦!

分享更多閱讀請至以下|PPLS|蝦青素|青春元素|蚯蚓粉|蝦紅素|蜂王漿|南極寶|智勝王|血栓溶解酵素|膠骨力|健康食品|磷蝦油|膠股力|力雪達|地龍酵素|蜂王乳|芙婷寶|地龍粉|保健食品

發表迴響

你的電子郵件位址並不會被公開。 必要欄位標記為 *