【球王】C朗美斯平分天下 好爸爸終極一戰

【球王】C朗美斯平分天下 好爸爸終極一戰 2017年10月24日 10:43Tweet 東網電視更多新聞短片 即上英超刨績王:http://win.on.cc/epl 既生瑜、何生亮?過去10年世界足球壇,最佳球員嘅名冊上只係出現2個名──美斯同C朗拿度。隨住C朗今晨喺FIFA頒獎禮大熱冧莊最佳男子足球員獎(前身為世界足球先生),呢位葡萄牙國腳亦個人第5次拎到呢項最高殊榮,同畢生大敵美斯睇齊,平分足球天下。兩大球王由年少氣盛鬥到依家兒女成群,頒獎禮入面齊齊帶住大肚另一半出席,唔見黑面同嫉妒,只有拍掌同大方感謝,經歷10年嘅激烈競爭鐵人都會倦,C朗同美斯似乎都想安安樂樂做個Family Man。32歲嘅C朗依家有3個仔女,大仔「小C朗」已經都7歲,女友喬治娜肚入面仲陀住C朗第4個寶貝;30歲嘅美斯亦有2個囝囝Thiago同Mateo,老婆洛古絲素仲宣布陀住第3個「美斯BB」。2大球王變晒做「湊仔公」,少咗份戾氣、多添一份祥和,C朗領獎嗰陣公開多謝美斯同尼馬嘅到臨,美斯亦報以微笑同掌聲,唔講唔知,頒獎前C朗仲帶住了小C朗去同偶像美斯握手,可以搵到同自己鬥足10年嘅人,C朗同美斯點都會識英雄重英雄。過去10年嘅世界足球先生獎各贏5次,兩位年過三十嘅球王亦知道時間無多,要分出勝負就要趁依家,明年係世界盃年,最佳男子足球員獎好大機會係由世界盃冠軍成員拎到,而世界盃冠軍亦係C朗同美斯足球生涯終極目標,球迷都會密切注視呢個史詩式嘅球王爭霸大結局。近10年世界足球先生年份●得主2008●C朗拿度2009●美斯2010●美斯2011●美斯2012●美斯2013●C朗拿度2014●C朗拿度2015●美斯2016●C朗拿度2017●C朗拿度東網體育同你追實體壇每個精彩時刻! http://bit.ly/2ecTF2A 

分享更多閱讀請至以下|地龍酵素|健康食品|蝦青素|血栓溶解酵素|地龍粉|蝦紅素|力雪達|膠股力|芙婷寶|保健食品|青春元素|蜂王乳|PPLS|南極寶|磷蝦油|膠骨力|智勝王|蜂王漿|蚯蚓粉

發表迴響

你的電子郵件位址並不會被公開。 必要欄位標記為 *