孖妹S檔案:股災月嚇傻?專家教避險

孖妹S檔案:股災月嚇傻?專家教避險 2017年10月22日 15:38Tweet 東網電視更多新聞短片 下個星期就係萬聖節!孖妹已經買咗件搞笑Cosplay衫,諗住到時嚟個大變身,同班friend大玩特玩。唔好睇孖妹人仔細細會好細膽,其實萬聖節嘅驚嚇對我嚟講係濕濕碎!識得我哋嘅人,都知孖妹只有一樣嘢驚,就係怕乾塘!港股上周一度出現小股災,股災月嘅咒語似乎仍未遠離我哋,加上大家話市場除咗有黑天鵝之外,仲有隻橙天鵝可能隨時偷襲,真係想安心啲都難。●股災指標齊響警號M:Cambria Investment Management首席投資官 Mebane Faber彩兒:見唔見到我頭頂有舊黑雲。Kitty:唔止,仲飛過一隻黑天鵝添!(暗笑)彩兒:我都聽過黑天鵝,即係估你唔到嘅事嘛。之前用嚟形容過英國脫歐、美國總統特朗普上場。Kitty:仲有樣嘢叫橙天鵝,係笑緊特朗普嘅膚色,同特朗普危機有啲關係。彩兒:你係華爾街當時得令嘅人氣Fund Man,你一定會最快感應到!我最想知嚟緊股災可以有幾驚嚇,定還是只係我自己嚇自己?M:睇番歷史就最客觀。2000年科網泡沫爆破幾個月後,納斯達克指數由5,132點跌至1,470點,好多美國科技公司都插水,包括Cisco嘅市值蒸發咗86%,亞馬遜亦由107美元跌至7美元。彩兒:My God……M:之後2008年金融海嘯,美國股票基金急插,標普500指數喺海嘯年就跌咗大約38%;嗰陣資產擁有多過20萬美元嘅投資者普遍輸多過四分之一。彩兒:咁究竟依家咒語有幾成真?M:珍珠都冇咁真。呢個牛市好近岸,個市真係隨時冧!我平時用開4個Track住股災嘅指標都響緊警號,所以唔到你唔驚。彩兒:我個心突然卜卜跳添。M:第一,呢次美股牛市持續得太耐,係歷來第二次最長嘅牛市,喺2009年3月9日開始,到依家成8年幾啦。其實牛市平均壽命係4.5年。Kitty:我Feel到個種無力感,好似啱啱跑完21公里半馬拉松,你叫我再跑多一次,會好想死。M:第二,美股估值過高。有個叫Buffett Valuation(巴菲特估值),係將美股總市值除以美國GDP,今年年中個指標係1.3,已經超出1呢個臨界點,咁代表美股估值早已過高,冇實體經濟支持,出現咗泡沫。2008年爆發金融海嘯之前,個指標最高都只係觸及過1.1。Kitty:巴菲特指標認真值得深思,搞到我個心都離一離。W:第三,都係同巴菲特有關。佢有句名言……Kitty:「別人貪婪時恐懼,別人恐懼時貪婪」W:聰明!依家股民瘋狂入市嘅景象,可以話係8年「難得一見」。歷史都話你知,個市經歷完顛峰後,翌年標普500指數表現都會差啲。W:第四,個市靜得恐怖。VIX恐慌指數反映未來30日市場預期標普500指數嘅波動程度,20就係平靜同恐慌市場的分界綫,但依家指數徘徊喺10,實在太低。彩兒:大師,按你講嘅「病徵」,情況好危急,可唔可以幫我嘅投資組合配過晒啲藥,增強我嘅抵抗力。W:首先,唔好再擺錢入去呢個熱辣辣、隨時爆煲嘅股市!第二,唔好All-in股票,留20%或以上現金傍身。第三,唔好限死自己投資美國市場,應該發掘較低估值的海外股票,同時分散投資喺各類資產,包括債、樓及商品等。第四,善用投資工具,例如買認沽期權去對沖股票風險。W:攞歷年美股表現最差嘅10個月睇,包括喺1987年10月股災,標普500指數、外國股票及房地產信託基金都跌逾11%。相反,投資美國10年期及30年期國債、國際金價平均都仲有約0.7至0.8%的正回報。─ ─ ─ ─ ─ ─●未必股災 美朝難打仗P:專業投資者Pasu彩兒:我好頹呀!美股同港股飆得咁勁,但原來出現咁多陰霾,「萬聖節指標」又話10月可以入市,玩人咩?P:我又唔太悲觀!出現股災嘅機會應該幾細。牛市連升幾年好常見,始終呢個股市係有最近強勁嘅經濟數據支持,唔係假嘅,所以將來回調都唔會太急。P:中國對於全球GDP貢獻大,其經濟增長快速,其他國家亦自然受惠。例如最近日本股市飆升,或多或少都同出口中國嘅高科技零部件銷情理想有關。P:之前中國經濟唔穩定,貪腐問題嚴重,跟住就見國家主席習近平積極打貪,政治基礎穩固咗,國家應會健康發展;同埋近期公布嘅經濟數據都幾強勁,只要美朝唔爆發戰爭,全球股市急跌機會好微。依家港股仍處慢牛,我估之後會先回調5%。彩兒:即係唔會有黑天鵝?美朝局勢唔得人驚?P:話明黑天鵝,我點會估到。不過,你擔心嘅美朝局勢,又唔係你想像中咁壞。其實,特朗普同北韓金仔癲極有個譜。例如金仔為平壤新城市剪綵,實牙實齒話要令國家繁盛偉大,如果佢即將要同美國打仗,做咩仲要大費周章搞好個國家呢?同樣,我亦相信特朗普係理智嘅人。彩兒:聽你講,我都安心啲。至於你頭先話有回調,最快會係幾時?P:依家最Hit係十九大主題,但講嘅嘢仍流於空談,所以唔排除一開完會,股市會即刻跌。Kitty:咁咩板塊最危?P:細價股投資風險高啲,一旦回調,跌得最甘。我亦唔睇好內房股,中國恒大(03333)同融創中國(01918)今年都升咗好多,最怕高處不勝寒;如果中國政府仲要打壓樓市,內房股就冇運行。P:如騰訊控股(00700)同阿里巴巴就最穩陣!佢哋基本面好,預計仲有好多高科技公司都會被佢哋收購,包括經營電訊、手遊、電動車及新能源汽車股等,進一步鞏固其科網壟斷地位。彩兒:呢啲大型科網股仲值得追?P:依家「鬧市」加牛市格局,我建議逢低吸納,但要縮細注碼,增加靈活性。真係唔知呢個牛市會幾長命。穩陣起見,投資者亦可以諗留一半Cash。─ ─ ─ ─ ─ ─●亞樓市堪憂 恐冧六成羅:交通銀行香港分行首席經濟及策略師羅家聰Kitty:你係港版末日博士,究竟依家個股市最大風險係咩?羅:相信由地產同債務問題觸發亞洲樓市爆破!2009年到依家成9年,香港樓市都冇點跌過之餘,仲炒到好貴,但又用唔到供求解釋,所以係有泡沫。股樓互為一體,樓市一爆,股樓都可能跌4至6成,咪話唔甘。Kitty:跌4至6成……羅:但以短線嚟講,港股似係膠着狀態,唔係升得好急,所以我預期佢唔會跌得太急。Kitty:點解係亞洲而唔係歐洲?羅:2008年美國因次級房貸危機觸發金融海嘯,2012年到歐債危機,照計今次跌市源頭輪到亞洲。過去咁多年嘅QE(量化寬鬆)谷起亞洲樓市,因歐美開始收水,歐美自己冇樓市泡沫,相反亞洲就有,情況就好似某人開大冷氣,好彩自己體質好冇病倒,但就害到其他體質弱嘅人。羅:我建議長Hold指數基金,例如盈富基金(02800)收吓息,好過擺定期,亦好過放租收息。─ ─ ─ ─ ─ ─●萬聖節指標比較冬夏回報股票市場所謂嘅「萬聖節指標」(Halloween Indicator),意指如果將一年分成兩半,分別係夏季(每年嘅5至10月)同冬季(每年嘅11月至翌年4月),從經驗得知,喺冬季嘅投資回報率一般明顯高過夏季,所以就根據呢個講法,美國俚語「Sell in May and Go Away」,投資者應該喺5月沽貨,直至10月尾萬聖節結束,就可以入番貨。─ ─ ─ ─ ─ ─《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!遊戲下載: https://goo.gl/7JP2hm 「東網Money18」全新功能「貼市貼士」,助你掌握投資先機http://bit.ly/2sLtGDm 致富智庫」領悟理財/職場智慧,一Click改變一世http://money18.on.cc/wealth 東網已全面支援360影片及相片,讓你全方位睇盡新聞大事,恍如置身現場,立即登入東網360專頁:http://on.cc/360vr/ 新股上市消息資訊,不停為你update,即刻click入http://money18.on.cc/IPO

分享更多閱讀請至以下|蚯蚓粉|芙婷寶|南極寶|膠骨力|地龍酵素|膠股力|磷蝦油|力雪達|PPLS|蝦紅素|青春元素|血栓溶解酵素|蝦青素|健康食品|蜂王漿|地龍粉|智勝王|保健食品|蜂王乳

發表迴響

你的電子郵件位址並不會被公開。 必要欄位標記為 *