順Phone快遞:新版Nokia 3310 終於上到網

順Phone快遞:新版Nokia 3310 終於上到網 2017年09月29日 18:02Tweet 東網電視更多新聞短片 新版Nokia 3310終於上到網! Nokia 3310一向被各界譽為「神機」,年頭Nokia推出新版即時獲得極大回響,不過好多網民都反映2017年的新機竟然只支援2G網絡,簡直係前所未有的落伍。廠商亦瞬速作回應,剛剛就宣布推出Nokia 3310 3G,支援流動網絡,可以睇到網頁、Facebook以及Twitter。新機亦繼續「長氣」,長達6.5小時通話時間及27天待機時間,玩足幾日都唔需要充電。此外,介面同樣經過重新設計,加入更多顏色,起碼冇咁悶先啦!Nokia 3310 3G將提供淺藍、黃、紅、炭灰4色,定價69歐元,10月中開賣。【未出都有特別版? Caviar訂製iPhone X】此俄羅斯品牌以往就為手機、平板電腦等科技產品製作豪華版,全城期待的iPhone X當然都唔例外。雖然新機尚未正式推出,但Caviar已經列出34款訂製的iPhone X,而且用料相當豪華,包括鈦金屬、琥珀、鍍金、皮革、碳纖維、鑽石甚至Seymchan隕石等等,肯定閣下的iPhone X可以與眾不同。但要與別不同都有代價,最便宜的Titanium Armata版本亦要索價244,000盧布,折合約28,891港元,貴過原本機價幾倍㗎!【Super Mario Run 有新模式兼賣半價】手機遊戲《Super Mario Run》發布超過一年,想留住玩家,自然要有新搞作!遊戲剛剛就加入新模式Remix 10,用家需要每次連玩10個短關卡,節奏超快,而且玩夠一定關卡更可以解鎖角色Daisy公主。最吸引當然就係減價,遊戲將會進行限時半價優惠,未買完全版的用家要把握時機喇!【Essential手機 叫好不叫座?】由「Android之父」Andy Rubin創辦的手機品牌Essential Phone,頭炮作品PH-1自發布以來都有唔少正面評價,可惜叫好不叫座。根據BayStreet Research估計,Essential自9月開賣後,僅賣出5,000部,相比Apple、Samsung每季賣出超過1,000萬部手機,數量的確非常小。有媒體認為Essential手機定價過高,而且購買渠道極少,僅得官網、美國電訊商Sprint、加拿大電訊商Telus 3個地方可以入手,大大影響銷情。

分享更多閱讀請至以下|智勝王|南極寶|蚯蚓粉|蜂王漿|膠股力|磷蝦油|保健食品|力雪達|青春元素|健康食品|芙婷寶|地龍酵素|蝦青素|PPLS|膠骨力|蝦紅素|地龍粉|蜂王乳|血栓溶解酵素

發表迴響

你的電子郵件位址並不會被公開。 必要欄位標記為 *