乜都貪!南韓前亞洲足球先生都有份

乜都貪!南韓前亞洲足球先生都有份 2017年09月28日 18:12Tweet 東網電視更多新聞短片 繼2011年韓國「反賭波風暴」之後,南韓足壇又爆出震撼性醜聞!南韓足總前會長趙重衍為首嘅11名前足總官員,遭到經韓國警方調查,理由係挪用超過1.3億韓圜(約88.8萬港元)公帑,事件嘅離譜程度唔只中飽私囊,吃喝玩樂咁簡單,居然有官員冒領公帑畀贍養費!《韓聯社》稱,韓國首爾地方檢查團職能犯罪科,呢個月中對南韓足總前會長趙重衍、前副會長李會澤、前事務總長、綽號「野馬」、「金毛獅」、「參孫」嘅金鑄成(1989、1990、1991連續3年當選亞洲足球先生,踢過德甲波琴兩季)、前技術委員會長官皇甫官等11名前足總官員展開偵訊調查,經調查後於9月14日正式宣布「唔拘留」。但呢單嘢唔係就咁完結,而係控方需要新嘅證據,先可以正式提出拘捕申請。案件提到趙重衍曾經至少3次借國際賽機會帶埋老婆去哥倫比亞、卡塔爾多哈、匈牙利等地旅遊,所花機票等3000萬韓圜(約20.5萬港元)全部來自公款。而且趙重衍仲利用南韓足總發畀官員嘅「法人卡」(韓國足總官員用嘅信用卡),使咗1400萬韓圜用於打高爾夫球。有份「享受」公費打高爾夫球嘅仲包括李會澤、金鑄成同皇甫官等人,總計開銷5200萬韓圜(約35.5萬港元)。唔只咁,李會澤、金鑄成同皇甫官3人更133次光顧夜店、KTV、美容院,花費2300萬韓圜、167萬韓圜及1000萬韓圜公帑,其中美容就有26次之多。咁都未算離譜,一位現職嘅南韓足總38歲李姓官員,由2008年7月至今年8月期間,隱瞞已經離婚,照樣領取每月15萬韓圜家庭津貼(約1042港元),畀老婆做贍養費,呢筆錢一共1470萬韓圜(約10萬港元),明顯觸犯詐騙罪。據韓國足總提供嘅資料,自從2012年1月開始,韓國足總法人卡總數7000萬韓圜(約47.8萬港元)被人挪用,另有2400積分被「濫用消耗」,證據顯示以韓國足總前會長趙重衍為首嘅11人,總共非法挪用2043萬韓圜(約14萬港元),咁已經構成犯罪。東網體育同你追實體壇每個精彩時刻! http://bit.ly/2ecTF2A

分享更多閱讀請至以下|PPLS|蚯蚓粉|蝦青素|膠骨力|南極寶|保健食品|蜂王漿|健康食品|地龍粉|地龍酵素|智勝王|磷蝦油|膠股力|力雪達|血栓溶解酵素|青春元素|芙婷寶|蜂王乳|蝦紅素

發表迴響

你的電子郵件位址並不會被公開。 必要欄位標記為 *