【港超專版】陸志豪Melissa並肩而行

【港超專版】陸志豪Melissa並肩而行 2017年09月27日 00:05Tweet 東網電視更多新聞短片 陸志豪為老婆踢好波! 茫茫人海中覓得一人同喜同哭難得;年輕時遇上了,一起成長再一起變老更難得。效力冠忠南區的陸志豪(Michael)足球路能走過高山低谷,全因有青梅竹馬的Melissa並肩而行。   當年5歲的Michael隨父母移居加拿大,於當地長大,12歲那年在朋友介紹下遇上靈魂伴侶Melissa,後來卻因為女方要搬到鄰近小鎮失聯。緣分天注定,2012年Melissa來港旅遊,二人於香港重逢,而Michael亦一盡地主之誼帶Melissa四處遊玩,最終擦出愛火花。「成功比起一起算甚麼」,Melissa因Michael一句「不如留低啦」,回國後毅然辭去工作,放棄加拿大的一切來港:「初初嚟到好唔開心、好孤單,喺香港冇乜屋企人同朋友,又冇事業。始終加拿大同香港唔同,文化、語言、環境全部都要重新適應。」於是一留便是4、5年,二人排除重重難關,今夏終在牙買加沙灘,於親朋好友見證下「拉埋天窗」。對於Michael足球生涯,嫁到這世界邊端的「陸太」表示全力支持:「我為Michael感到驕傲,好多人未必能以興趣為事業,但係佢可以。我決定嚟香港嘅時候,我媽咪都話Michael踢得咁好,你要好好支持佢。」Michael一向予人感覺友善健談,且一臉陽光氣色,但「陸太」大爆原來Michael賽前會緊張到六親不認:「以往佢比賽前唔會同人講嘢,就算球場見到面都唔會打招呼。近呢幾年佢成熟咗好多,賽前會輕鬆啲,會同人交流。」Melissa為愛情放棄家人同事業,反問Michael會否因太太放棄足球,他毫不猶豫道:「唔會!因為太太為我放棄太多,我要更努力踢出好成績。始終運動員生涯有限,之後我會用餘生補償畀佢!」把口咁Sweet,唔怪得Melissa咁冧啦!賽前住家飯 為Michael添動力冠忠南區至今兩連勝,功臣之一的Michael坦言動力源自「陸太」的愛心料理!兩小口平日甚少在家「煮飯仔」,但「陸太」Melissa每次比賽之前都堅持為丈夫準備大餐:「每次比賽前,我哋都習慣喺屋企煎牛排煮意粉,等佢食吓住家飯,為比賽好好準備。」Melissa還透露一眾南區靚太及球員,賽後通常會結伴「食餐好」,慰勞在場上一眾揮灑熱血的球員。

分享更多閱讀請至以下|地龍酵素|蝦紅素|南極寶|膠骨力|膠股力|蜂王乳|磷蝦油|芙婷寶|地龍粉|蚯蚓粉|健康食品|蝦青素|血栓溶解酵素|力雪達|保健食品|蜂王漿|PPLS|智勝王|青春元素

發表迴響

你的電子郵件位址並不會被公開。 必要欄位標記為 *