【有片】C朗兩粒巴利金球 皇馬篤死蜜蜂

【有片】C朗兩粒巴利金球 皇馬篤死蜜蜂 2017年09月27日 04:41Tweet 東網電視更多新聞短片 (美聯社圖片) 即上英超刨績王:http://win.on.cc/epl 歐聯分組賽,皇馬作客多蒙特,雖然近期銀河艦隊表現唔算突出,而且王牌C朗復出後亦射極唔入,但今仗都另一回事,上半場先有加里夫巴利轟入超級窩利領先半場,換邊後C朗爆Seed梅開二度,奧巴美揚雖然扳回一城,但難救蜜蜂連輸2場。多蒙特於死亡之組2連敗,出線機會不容樂觀。皇馬今仗精銳盡出,一開波就憑超強控球能力取得優勢,丹尼爾卡華積勁射被對手門將救到。跟手麥斯菲臘門前一撈,沙治奧拉莫斯門前解圍隻手掂到個波,但球證冇吹。18分鐘皇馬入波,丹尼爾卡華積右路斬靚波,巴利球不着地窩利一射抽入網角,入波靚到癲。如非完半場前C朗兩次施射,一次被閂一次斜出,皇馬半場唔只領先1:0。換邊後多蒙特當然希望盡早扳平,點知50分鐘就輸多粒,巴利左路地波一出,C朗及時趕到射入拉開比數,呢個亦係佢本季坐完波監後,3仗以來第1個入波。多蒙特並冇放棄,奧巴美揚繼續活躍,54分鐘佢揳贏沙治奧拉莫斯近門快腳射入,追成1:2。不過皇馬始終技勝一籌,79分鐘C朗於右路狂抽近柱搞掂梅開二度,亦正式宣布多蒙特死刑。皇馬贏波後兩戰兩勝,熱刺於另一邊廂,憑哈利卡尼戴帽,作客輕取尼科西亞3:0,同樣係2戰贏晒,兩軍分別以6分領先;相反多蒙特連輸2仗1:3,嚟緊2場對住魚腩尼科西亞,一定要全取6分。東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|地龍酵素|保健食品|蜂王乳|芙婷寶|膠股力|青春元素|地龍粉|PPLS|蝦紅素|蝦青素|南極寶|力雪達|蜂王漿|智勝王|磷蝦油|蚯蚓粉|血栓溶解酵素|健康食品|膠骨力

發表迴響

你的電子郵件位址並不會被公開。 必要欄位標記為 *