英超 633場!巴利破英超上陣紀錄

英超 633場!巴利破英超上陣紀錄 2017年09月26日 07:27Tweet 東網電視更多新聞短片 即上英超刨績王:http://win.on.cc/epl 西布朗雖在周二凌晨舉行的英超賽事淨吞阿仙奴雙蛋,但該隊中場巴利踢足全場,順利以633場超越曼聯名宿傑斯,刷新英超上陣紀錄,36歲嘅巴利睇嚟仲可以繼續踢落去,將英超上陣紀錄不斷更新。相比起傑斯只踢過曼聯,巴利職業生涯就踢過4間英超球會,佢在白禮頓青訓出身,98年17歲開始效力阿士東維拉,09年轉投曼城並於12年贏得英超冠軍,13年外借到愛華頓,翌年正式加盟拖肥,今季來到西布朗。今場賽事後,阿仙奴領隊雲加都向佢送上波衫以示心意,英格蘭領隊修夫基都話要恭喜佢。最神奇嘅係,英超暫時只有3人上陣超過600場,巴利是唯一現役球員,傑斯以632場排第2位,而林柏特就以609場排第3位,後兩者都已退役。巴利賽後就話,係時候忘記呢個紀錄:「今個星期好特別,傳媒不斷提到呢個紀錄係里程碑,但我覺得球場上嘅表現更重要,破紀錄之後我唔會停落嚟,直至我退役為止。」巴利打算踢到40歲,亦即代表佢仲有唔少時間去推高紀錄。不過翻查傑斯上陣紀錄,632場是指他在英超比賽,其實在英超92至93年球季面世之前,傑斯已在之前的甲組賽事上陣40場,亦即表示傑斯在頂級聯賽的上陣紀錄是672場,且看巴利能否超越這個神之紀錄。東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|保健食品|地龍酵素|PPLS|南極寶|芙婷寶|血栓溶解酵素|蚯蚓粉|健康食品|蜂王漿|青春元素|磷蝦油|蝦青素|力雪達|膠骨力|膠股力|蜂王乳|蝦紅素|地龍粉|智勝王

發表迴響

你的電子郵件位址並不會被公開。 必要欄位標記為 *