碧咸專訪:轉戰保險界 大談「父幹」上車

碧咸專訪:轉戰保險界 大談「父幹」上車 2017年09月19日 21:00Tweet 東網電視更多新聞短片 碧咸 話說「萬人迷」碧咸告別足球場後「轉戰」保險界——佢要轉行賣保險?唔係,而係今年起擔任友邦保險(01299)嘅全球大使。今日(9月19日)碧咸親身黎到香港,仲特登同《東網》讀者分享下自己嘅生活經驗,大談同四個仔女嘅相處點滴,即睇!●好多香港家長都幫仔女做到最足,包括畀埋首期,你點睇?會否置之不理?碧咸呢位二十四孝嘅老竇好肯定咁話:「絕對唔會對仔女置之不理!」(Definitely don’t let them go!)會唔會畀首期碧咸就冇講喇,不過佢認為,最重要嘅並非關乎物質支援,而係父母對仔女嘅支持,「我認為最重要等仔女無論開心與失落個陣,都感覺到父母喺佢地隔籬,係佢地嘅強力後盾!」(It’s not about material things, it’s about being present for them.)●香港家長另一個特色係望子成龍,你對仔女又有咩期望?碧咸話,其實仔女將來想做咩都好,最緊要係父母喺身邊給予支持,「好多人都以為我想仔女繼承衣缽做足球員,但其實最緊要係佢哋覺得開心,對自己想做嘅事富有熱情!」碧咸仲話,自己二仔鍾意打網球,細仔鍾意玩結他同唱歌,而孻女反而啱啱開始鍾意踢足球,笑言「話唔定日後Harper Seven(孻女)會成為足球明星!」佢亦提及,自己都要具備以上多項技能,先可以同仔女一齊玩,「我認為我唱歌應該Okay,不過我唔確定……」咁要唔要試下即場唱幾句?「唔使喇(擰頭),沖涼唱幾句就算!」●既然對仔女如珠如寶,做好保障固然重要,你又點管理個人嘅保險?碧咸話,自己覺得保險相當重要,因為係對自己同親人嘅一份保障,「更重要係鼓勵大家由而家呢刻要開始健康的生活!」至於邊種保險產品係最重要?碧咸就話覺得所有類型嘅保險各有用處,自己都會定期檢視保險配置。(想睇碧咸親自口述點睇買保險,可立即click入呢個連結:http://bit.ly/2f7f115 )●你講到要「活得更健康」,其實係咪要用好多錢?碧咸話,其實活得更健康唔一定要花大錢,自己擔任「普通老竇」嘅同時,都已經活得更健康!「唔一定要做貴價Gym架,反而應該由生活小細節做起(Small simple thing make a real difference)。」佢提及,平日多行路少搭車、接送仔女返學放學、陪仔女去公園玩,或者遛下狗咁,都可以令生活更健康。●友邦同你點解扯上關係?唔通同友邦前CEO杜嘉祺有關?眾所皆知友邦前總裁杜嘉祺做過足球選手,唔通因為咁而邀請碧咸做友邦全球大使?碧咸笑言其實唔係,之所以「轉戰」保險界,主要係欣賞友邦「活得更健康」呢個信念。咁碧咸係咪友邦個客先?佢話自己係「Beyond the client」,不過都有玩AIA推出的Vitality計劃咁話。友邦保險集團首席市場總監施斌陞補充,「亞洲人雖然愈來愈富有,但健康方面就冇咩點提升」,友邦覺得碧咸管理個人生活同事業都非常妥當,「更重要係大家肯聽佢講嘢,夠號召力」,所以邀請佢做全球大使,幫手宣揚「活得更健康」。─ ─ ─ ─ ─ ─《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!遊戲下載: https://goo.gl/7JP2hm 「東網Money18」全新功能「貼市貼士」,助你掌握投資先機http://bit.ly/2sLtGDm

分享更多閱讀請至以下|PPLS|蜂王漿|保健食品|蜂王乳|蝦紅素|蚯蚓粉|力雪達|地龍粉|膠股力|血栓溶解酵素|芙婷寶|磷蝦油|地龍酵素|健康食品|智勝王|蝦青素|膠骨力|青春元素|南極寶

發表迴響

你的電子郵件位址並不會被公開。 必要欄位標記為 *