【港超專版】梁國威圓夢 想做「好」老竇

【港超專版】梁國威圓夢 想做「好」老竇 2017年09月20日 00:37Tweet 東網電視更多新聞短片 梁國威一圓港超夢。 在街場踢波,幻想自己化身為著名球星,相信是不少愛踢波之人的必經之路,但最終能以夢想成為自己職業的人少之又少,幸好,今夏轉投夢想FC的梁國威(孖指)得以成為其中一人。沒有接受過正統訓練,但「孖指」由丙組地區聯賽慢慢打滾到現在的港超聯,足球夢已圓,或許將來因家庭增添新成員掛靴,亦可說無憾! 梁國威的足球事業,由朋友叫他一起參加選拔開始,最初他只是抱住「去玩吓」的心態「陪跑」,誰不知最後反而獲得錄用,結果由2006年開始踢丙組地區聯賽,效力屯門4個球季後,成功協助球隊升上甲組(當時的頂級聯賽),之後他曾獲得東方沙龍青睞,雖然上陣機會不多,「孖指」坦言已很滿意自己的足球事業︰「始終我同其他人爭好遠,好似隊中嘅年輕球員咁,佢哋十幾歲已經開始練波,我就廿幾歲先開始。東方係大球會,我踢唔到正選,但效力過都好滿足,叫做攞過一個銀牌同足總盃冠軍。作為一個踢街波出身嘅人,又唔係特別出色,都攞到兩個冠軍已經好好。」 感激「細榮」畀機會2015年轉投夢想駿其,並協助球隊取得不錯表現及評價,相隔兩年後再與相近的班底為夢想FC打拚,「孖指」對球隊投下信任一票之餘,亦感謝主帥梁志榮過往給予他的支持︰「我覺得呢隊波比兩年前嘅分別,係更有活力,因為球員更加後生,仲要有陳偉豪呢啲老大哥喺度。」「孖指」續說:「對我足球事業影響最大嘅就係梁志榮,佢改變咗我對足球嘅理念同思想,肯畀機會我改。『細榮』一開始就話,成績唔係最重要,要睇吓個過程,佢好肯畀機會年輕球員,可能佢哋喺其他隊唔會有機會出場,喺呢度就有,因為『細榮』會畀時間同空間佢哋進步。」 囡囡10月出世考慮掛靴經常聽見一句說話︰「傷患是足球員最大的敵人」,但其實家庭亦可能是足球員第二大敵人,梁國威與妻子「阿Fi」在2015年誕下「Bean仔」,現在正準備迎接「Bean妹」來臨,預產期為今年10月26日。「孖指」表示要再視乎情況,再決定下季會否繼續踢下去︰「下年個仔要返學,要睇吓自己際遇點,我未肯定會唔會繼續踢,因為始終家庭最重要。BB一出世嗰幾個月就唔使瞓,其實都幾影響,喺屋企要幫手做家務同湊小朋友!」梁國威亦透露,囝囝今季曾當球僮,跟他在賽前出場︰「我估佢都好鍾意足球嘅,之前帶佢出球場佢好開心。有時喺屋企睇足球時,佢會叫我,不過睇其他球類或者運動項目就唔會,希望佢第時大個都會鍾意足球啦!」笑談黃志聰 一齊瞓得最多嘅男人今夏轉投夢想FC,梁國威除了與主帥梁志榮再續前緣外,他亦對於能夠與好兄弟黃志聰再次並肩作戰感到高興,並笑指對方是跟自己共住一室最多的男人︰「我每次集訓都同佢同房,淨係喺頂級聯賽都做咗5年隊友喇。我哋都住喺屯門,出身亦好相似,所以都好夾,會經常一齊去食飯同吹水。我哋喺球場好認真,踢咗咁多年喺後防嘅殺傷力依舊不減,有時佢有啲攔截相個樣好兇狠,我會拎出嚟笑吓!」

分享更多閱讀請至以下|地龍粉|蝦紅素|血栓溶解酵素|芙婷寶|磷蝦油|南極寶|蚯蚓粉|蜂王乳|力雪達|膠股力|蜂王漿|青春元素|地龍酵素|智勝王|蝦青素|膠骨力|保健食品|健康食品|PPLS

發表迴響

你的電子郵件位址並不會被公開。 必要欄位標記為 *