單車隊大哥 梁峻榮:我要贏亞運金牌!

單車隊大哥 梁峻榮:我要贏亞運金牌! 2017年09月19日 04:49Tweet 東網電視更多新聞短片 臉上深深的頭盔印,手臂上清晰的疤痕,是梁峻榮作為單車手的標記。無數歷練逼着這位23歲的港將從困境中成長,角色及心態早已逐漸轉變,不過時間並未磨滅「肥榮」對單車的熱愛,堅持只因不甘心,這位全運會金牌得主揚言未贏夠,誓要再用一面亞運金牌去演活自己名字──於嚴「峻」考驗贏得光「榮」! 圖/文:袁志浩 運動員多以奧運為標準,每4年經歷一個循環,「肥榮」今年第2次參與全運會,意味各大型運動會他早已「集齊一套」,他以一句話總結這4年:「『Sometimes change is what we need』,人就好似個容器,每日吸收唔同嘢,累積凝聚就會變成依家嘅你。4年嚟去全運、亞運及奧運見到唔同人同事,驅使我學習及改變、追求更好嘅自己。」回想首次出戰全運會,「肥榮」坦言當時「興奮到發癲」,但今次在場上卻冷靜得判若兩人,得獎後為家人及離世的普教練兩次落淚,更為「肥榮」多添一份感性。角色轉換努力學做Leader隨着心境上的成長,擁有較多大賽經驗的「肥榮」擔演隊中老大哥,令他更緬懷以往「小師弟」時代:「2012、13年跟住張敬樂、張敬煒、蔡其皓、郭灝霆、楊英瀚一齊比賽,當時我認為香港隊所向無敵,呢個組合可以贏得全世界,點解時間唔可以過得耐啲,我仲好想學多啲嘢!」角色轉換讓「肥榮」偶有苦惱,唯有努力學做Leader:「一開始叫人做嘢會唔好意思,變咗事事親力親為。後來明白指揮嘅重要性,掌握隊友想法,自己亦會諗得宏觀啲。」全運會佳績演活名字年初「肥榮」曾豪言希望港人記得其名字,全運會的1金1銀令「梁峻榮」3個字登上報紙及電視,但大家或沒有留意名字背後的意義,「峻榮」代表要經歷嚴峻考驗才得到光榮,梁媽媽為此曾擔心自己改錯名,幸好「肥榮」即使面對挑戰,對單車的熱愛成為堅持的動力:「英國車神卡維迪殊講過,單車係好辛苦嘅運動,有咩令你由100%變到200%?係單純因為熱愛同埋追求,先可以爆發出更多力量,當你知道目標,你就會捉緊每一刻去做好。」犧牲與家人相處的時間、長年累月的傷患,「肥榮」不斷問自己是為了甚麼,最後他得出答案:「我好鐘意踩單車,唔甘心因為我未贏夠,短期目標係出年雅加達亞運會,一定要贏,我好想贏到亞運金牌!」東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|青春元素|血栓溶解酵素|膠骨力|智勝王|PPLS|健康食品|地龍粉|蝦紅素|蜂王乳|地龍酵素|膠股力|蜂王漿|力雪達|保健食品|芙婷寶|南極寶|蝦青素|蚯蚓粉|磷蝦油

發表迴響

你的電子郵件位址並不會被公開。 必要欄位標記為 *